ابيات على الاخ / عزيز بن حاكم بن صايل العجل - ][ موقع قبيلة شمر الرسمي ][WwW.aLlShMr.CoM

2013-01-28, 02:35 PM

اقدم لكم هذه الابيات على الاخ الفاضل

عزيز بن حاكم بن صايل العجل

لما له من موافق رجوليه معي

وآمل ان تنال أعجاب الجميع

بادين باللي يعين ولا يعاني= يامدير الكون عالم كل غيبة
نرتجي حسناك في عسر ولياني= بادين بك يالولي قبل ابتديبة
هاض فكري وأحتسا جزل المعاني= ياخذ الندر بها والمستصيبة
ماخذيت القاف شحذه من افلاني= ولا نقوله غير في منهو زهيبة
زين بدع القاف في ذرب اليماني= الفعل يشهد علي يومن اجيبة
أخو قفله يوم بنياني دهاني = وضايقن بالي من امورن صعيبة
انتخا لي شوق مجلي الثماني= ابو هيثم وقفته ماهي غريبة
ضارين للطيب من ذاك الزماني = ولد حاكم نعم قرمن ينهقيبة
راعي المعروف كساب الحساني = عزيز الحاكم علي وا كبر طيبة
اخو عايد نايفن بالفعل باني= لابدا طاريه فعله ينحكيبة
فرحت اللي يزبنه لاجاه عاني= وفزعته يمشي بها لمنهو نخيبة
جعل يفداه الردي ولد الهداني = وجعل رب البيت يستر كل عيبة
والختم صلو عدد ماكان كاني = للنبي اللي لزومن نهتديبة

سلااااامت الجميع

اخوكم / بطيحان بن سعدون البطيحان السعدي

2013-01-28, 03:24 PM

صح لسانك

والنعم من المادح والممدوح

وبيض الله وجهك

احترامي

2013-01-28, 06:03 PM

صح لسانك والنعم بالمادح والممدوح
ابيات جزله

2013-01-28, 07:47 PM

ح ـي الله الاخ الفاضل

بطيحان البطيحان

من طول الغيبات جاب الغنايم

قصيدة جزله من راس جزل

ويستحقها سليل المجد ابن عجل

دمت ودام عزك

2013-01-28, 08:00 PM

صح لسانك وتسلم يمناك
والنعم بالجميع

احتراااامي،،،

2013-01-28, 08:12 PM

الشاعر بطيحان ابن سعدون البطيحان
صح لسانك مدد بلاعددواعتلى شانك
ونعم فيك وفي من مدحت
والشعر مو غريب عليك يا ابن بطيحان
الشايب الله يرحمه بطيحان
يقول من ضمن مايقول
رقيت ياسعدون طعس(ن)مزبر**تكتني العبره وقمت اطرق الشوف
امس الضحى قفت مظاهيرشمر**قفت ضعون منسينا عن الــخوف
اومــالهم شــيخ الجزيره تحدر**ماهو مذله مير فـكر(ن)بمعروف

وهذا الشبل من ذاك الاسد صح لسانك يا ابن سعدون
تقبل ارق التحايا وخالص الاحترام