من غزليات بصري الوضيحي
يقول في القصيده الأولى :-
الله يسقي مجنب الفيضتيني = من مزنة غرا حقوق هميله
ماهو خيال مير اشوفه بعيني = يمطر على دار الحبيب شليله
يمطر من حما الخشم للبطيني = مغدودي يمطر نهارة وليله
عانقت به راعي البريم الغصيني = أبخت هل الدنيا جميع هليله
حكيت له بعلوم بينه وبيني = متشفق قضبة ذوايب ثليله
وأقفيت ما ضولت منها بشيني = كود العنا اللي صار وقادني له
البيض منهن غارة المومنيني = منهن نصيب ومخطي النصف جيله
وله ايضا من قصيده اخرى
حن الهجين وحن قلبي حنينه = ولف عفر في تالي الزمل ويعيد
على حبيب فارقن شوف عينه = ولا سأل عني قاد وين ما اريد
حم الأشافي ما يماتع طعينه = عيونه هون منهن رصاص البواريد
يا لابتي ما شفت انا حلو عينه = بكيتها حزة ليالي التهاديد
بخشوم مذلوق القنا موسعينه = ناحين صعبين المراجل هل الكيد
الهجن من بعد المدى معتبينه = والخيل عين يتبعن المقاويد
وليه ايضا من قصيده اخرى
قالوا عليكم غازة والتفتنا = وقلت امنعن يا لابس الطوق واشناف
لا عاده الله يا ضياع اخلفتنا = ليتك حضرته يا ذرا كل من خاف
يا علي عادت حولة واجتمعنا = الحولة اللي شفت به نابي الأرداف
على الخباري يا علي نا طحتنا = على القعود أزاهر الوسم تنشاف
حتى الجمل طق الخبر يوم جتنا = والهرش به قيد وانا تقل بكتاف
ماهي معالف يا علي ما خفتنا = البكرة الوضحا تعرفة بالاوصاف
خده لميع بروق سحب عشتنا = والا قمر خمسة عشرة حين الانصاف
يا علي انا وياك وش صاقعتنا ؟ = قلبي إلى شاف العماهيج ميلاف