لاريب ان معضمنا قد يمر بوقت يجعله ينضر للحياة نضرة تشائم....الخ......لكن يبقى املنا كبير بخالق الكون....فلا بد للشمس من الشروق........فمع إشراقتها يعني بزوغ امل جديد تزفه لنا نسمات الصباح.
امتطيت اليأس وامتعتي هموم = والحضوض البائسه هي الزهاب
مردفٍ حزنٍ تجمع لي عموم = اسودٍ لونه تصورلي غراب
العنا شلته على الكتف محزوم = بادي الرحله بصحراء العذاب
ما اشوف الدرب من لفح السموم = ناطحٍ تيار العواصف والتراب
خطوتي ما بين عثره بالهشوم = وتنخفس مرات بجحور الدواب
ومرةٍ اطلع وارقابه حزوم = وتنحدر مرات في قاع الشعاب
لا معالم اهتديبه لي لزوم = ليه عم الأرض كل هذا الخراب
وليه ياليل الدجا وين النجوم = والقمر وبارقه كله يغاب
عن سماي اللي تلبد بالغيوم = وليلي الموحش بعويات الذياب
آآآه لوتنفع بتكراره اقوم = آآآآه ماتنفع وهو هذا المصاب
ياقدر يا وين هاتيهه تدوم = قل لاتخفي على التايه جواب
لاامل واضح بواقع معدوم = ضاع مجهودي بمشواري وخاب
هذي علومي ياباغي العلوم = اتسائل كيف هالواقع سراب
ارجو عدم المؤاخذه... اقبلو تحيات (المــــــــــــــــــلهــــــــــــــــــــم)