حيالله ابن سرفاح راعي المغاتير
اللي يرد عالضيف حلو السلامي
بالعون ماقصرت يالاشقر الطير
قول وفعل ماهو مجرد كلامي
لك من حمود الرشيدي كل تقدير
ومحبتاً يسبقها لك احترامي
لانك من ارجال الطنايا المناعير
واسمك علامه بين كل الاسامي
ارجال ومواقفكم كما سالم الزير
والنعم منكم بين كل الانامي
كان تنشد يابن سرفاح / قل خير/
الحمد لله كل اموري تمامي
مثل الجمل ليحد شوفه على السير
يقطع فجوجاً بالخلا والعدامي
لكن بعض حاجات تحد على الغير
وانا الي حدني يمكم سر غرامي
ذكرتها (لزميلي) امس العصير
بخط الرشيدي ويشهدلي ابهامي
واسلم وسلم ياجعل فالك الخير
وسلم على شمر كثير السلامي
ردي على الشاعر / منيزل بن سرفاح الشمري
العرض العادي
