الاخوة والاخوات بهذا الصرح العظيم اقدم لكم هذه الابيات وآمل ان تنال اعجاب الجميع
يالله ياللي كل مسلم يراجيك= ياواحدن كل المخاليق ترجاه
العز عزك والتدابير بيديك= قبل ابتدي بالقاف ذكرك بديناه
يارجل مالك فزعتن غير واليك= احذر تغرك دنيتك والمراجاه
دنياك لو تصفي لك اسنين تاتيك= تخضع لامر اللي بنا الكون سواه
اعرف ترا الدنيا لزومن تعديك= ماباقي الا علمها والمداراه
حلاتها يالقرم خلن مصافيك= يعرف هدفك ومقصدك والمعاناه
لاكشرت بقعا وصكت حواليك= يثني ويفدي لاجلك المال والجاه
وقت الرخا ياكثرناس تواليك= وليا ادبرت دنياك تكشف خفاياه
من تجربه قلته عسا الله يعافيك= احفظ طريق الحق واعرف مزاياه
حذراك ذره من كبر لايجي فيك= حيث الكبر شيطان والرب ينهاه
حذراك همزات الشياطين تغويك= من يتبع الشيطان خاسر اممشاه
اد الفروض الخمس ربي يقويك= تكسب بها الدنيا ولله مرضاه
واكمل فروض الدين فيها امانيك= وفي والدينك لا يجي فيك معصاه
الرب وصي بطاعة الام وابيك= تلقا بها عند الموازين منجاه
والصبر خله دايمن في مماشيك= حيث الصبر محمود تحمد سجاياه
خلك جبل راسي قويه مبانيك= ماهز با طرافه ابيوتن امبناه
صبرك على نفسك معزه وتغنيك= لا تبدي الشكوى على غير ملفاه
الحلم خله دايم من مباديك = تراك ماتندم ليا صرت وياه
يجير عثراتك ويرفع معاليك= يجعل لك الهيبة والامر لله
الوالي للي من عدم كان محييك= اللي ليا ضاقت على العبد ينصاه
هو فزعتك لا من ضاقت مساعيك= يعيد لك بامره على ماتمناه
قلته وانا يارب ارجي حسانيك= يارب غفرانك وعفوك رجيناه
عبدن بثلث الليل يارب يدعيك= تقبل دعاته يالولي والمناجاه
ياسامعن صوتي عسى الله يهديك= صلو على محمد ليا حل طرياه
سلااااامت الجميع