بعد غياب عن المنتدى القيم أعود وأكتب لكم هذة الابيات التي آمل ان تنال أعجابكم
ياالله ياللي من ترجاك ماخاب = ياوالي الدنيا عليك اعتمادي
يا واحد بأمره يهب الهواء الهاب = عليك حل المعظمات العقادي
وقت العصر عديت انا راس مرقاب = وجلست به لما غشاه السوادي
وقفت بالمرقاب والدمع سكاب = ولالي جدا يكود فرك الايادي
هيض اجروح القلب والقلب منصاب = من دون اجروح العام اجروحن اجدادي
واخلاف ذا دنيت أنا الحبر واكتاب = وبدعت قافن من صميم الفوادي
اصوغها صوغ الذهب بيد صباب = وكثير غيري يصخرون المبادي
فكرة بالدنيا على كل الابواب = وازريت اميز قربها من الابعادي
دنيا كفا الله شرها فيها الانشاب = قليل ماتلقا من الهم هادي
تطوي رحاها كل يومن بالاحساب = يوم تعيس ويوم مثل العيادي
النفس عاشت مع قريبين واجناب = وخاضت مع العربان في كل وادي
وماشيت بالدنيا شبابن وشياب = ارجال من عرض الرجاجيل عادي
لصار له حاجة بدالك بالاحباب = ويعد نفسه لاقصته جوادي
يخدعك بالضحكة ويخفي لك الناب = تقول هذا لك صديقا امفادي
ولقضا لزومه منك ماحاسب احساب = ان شاف زولك صد كنه امعادي
حتى سلامه يمنعه عنك بحجاب = لصار لاحاجه ولا له مرادي
هذاك لاتدرجه من ضمن الاصحاب = البوم ماينفعك وقت الهدادي
وماشيت بالدنيا عريبين الانساب = وعرفتهم من بين حضر وبوادي
كم واحدن فعله يسده لياغاب = رجال يعرف في نهار الشدادي
لاتجذبه حاجه ولا هو بكذاب = وان قال قولن تم هرجه وكادي
المعدن الاصلي يهقوي لجلاب = والا الردية مالك الله تزادي
مير البلا ولد الحموله ليا خاب = هذاك ماينفعه طب البلادي
والناس قالو من تجاريب الاعراب = النار ما ترث يكود الرمادي
ولاكل فارس يافتى صار كساب = والبر ماينفع بيوم الطرادي
دنياك مادامت لبو زيد وذياب = الباقي الله والفنى للعبادي
ويالله ياقابل عزاء كل منصاب = ان توفقنا طريق الرشادي
تمت وصلوا عداد ماهب هباب= على شفيع الخلق بيوم اشهادي
سلامت الجميع
اخوكم الشاعر / بطيحان بن سعدون البطيحان
امس العصر عديت انا راس مرقاب
العرض العادي
