بعدما سيطر عبدالكريم قاسم على الحكم في العراق وفشل ثورة
الشواف واتهمت شمر بالمشاركه بالثوره اطلق العنان للشيوعيين
والشعوبيين على شمر
وقال الشيخ خلف جاسم المطلق هذه الابيات
يالله ياكاتب جميع الحسانا =رزاق بالأسباب عوج المناقير
انك تسامح ذنبنا مع خطانا =ياللي نجيت أيوب ويوسف من البير
عليك ياسواق مزن سقانا =تفتح لنا من باب لطفك سبب خير
ومن شر مانحسن عليه تحمانا = صاروا ورانا مثل حش المناشير
نسيوا كرمنا وطيبنا مع عطانا = فوق الشتال نزبر الهبر تزبير
ذبح الدجاجه مايدور بعشانا =زودٍ على التمن ذناب القراجير
وياماذرفنا خيرنا لقصرانا = يوم الغلا والناس كلًه مقافير
زبن الدخيل ليا نصانا وجانا = ينهج حشيم لدار حيًه بتقدير
وعن النواقص حاشمين لحانا = ولا نقبل العيشه بذل وتحقير
وتقول سمحين الوجيه الذهانا = شمر ذبايحنا على الشر والخير
ليادعيناهم لشيٍٍ(ن) دهانا = جونا كما سيلٍ تحفه حوادير
به الزبد مثل اللقح مايدانا = طم السهل هو والوعر له سواوير
وشريف مكه يوم كوُن وجانا =أعطى قراره بنية الطيب و الخير
وهذي شهادة من امير قبلانا = بركات من فرسان نجد المشاهير
بيصٍ غدا وعقبه رميح بزمانا = تشالقوهم قبل عذال ومشير
وذا فعلنا في نجد يحكى بقفانا= وجرى لنا وسط الجزيره مصاخير
وعفنا ديار به لاهلنا مكانا = وبهيج حدر من فعول المناعير
وهذي علوم من صريح اللسانا = وحنا رسمنا قافها بالمساطير
ومن شذ عنا اليوم ماهو معانا = ماهو لنا لويهدم الطوابير
قصيده الشيخ خلف جاسم محمد المطلق الفرحان الجربا
العرض العادي
