اجتمع كلا من الشيخ جدعان بن حسان والشيخ مذري بن سراي والشيخ كنعان الصديد والشيخ دليان بن عياده في بيت مذري بن سراي
كانت >الكوده < ضريبه للدوله العثمانيه تفرض على القبايل وتدفع عن طريق شيخ القبيله وكانت في ذلك الوقت تدفع عن طريق شيخ قبيله العبيد
وهو الشيخ حسين العلي في منطقه الحويجه التي تم شرائها مناصفه بين الشيوخ انفي الذكر وقبيله العبيد مما كان يعتبر نقيصه في حق قبيله شمر
فقرر في ذلك الاجتماع التفاوض مع الشيخ حسين العلي لتأديه الضريبه المفروضه على قبيله شمر عن طريق شيوخهم
فرفض هذا المقترح وهددهم بالدوله العثمانيه حيث كان شقيقه أمر فوج في الجيش العثماني
فاجتمعو الاجتماع الثاني في بيت الشيخ جدعان الحسان وقرروا ان يذهب الشيخ دليان بن عياده للوالي العثماني ممثلا عنهم في بغداد
حيث اهدوا الوالي خيول عربيه اصيله فرس من كل من الشيوخ >جدعان -مذري-كنعان-< اما الشيخ دليان فلم يملك فرس فقد كان يملك حصان
يسمى العمبقي فاعطاه نهار بن معيديله >وهو من العوايل المعروفه من فخذ الشودح من الجحيش وقد كان فارس وشاعر< فرس وقال للشيخ دليان
بن عياده اهدها باسمك للوالي
واخذ الشيخ دليان الخيل وهداها للوالي حيث سأله الوالي من اي منطقه ؟
الشيخ دليان :من منطقه الحويجه
الوالي : اين >قوجان < ايصال الضريبه باللغه التركيه
الشبخ دليان :ندفع الضريبه عن طريق حسين العلي علما اننا شراكه بالارض ونجهل القوانين
حيث تبين ان حسين العلي مسجلنا من ضمن قبيله العبيد
لان كل قبيله تكلف بدفع الضريبه عن طريق شيوخها
ونطلب منك ان ندفع الضريبه عن طريقنا نحن شيوخ هذه العشائر وهذه الخيول عباره عن هديه من شيوخ العشائر
فقبلها الوالي واعطاهم كتاب ان يدفعوا الضريبه بانفسهم وكتاب آخر بتوزيع اراضي منطقة العظيم على كل من الشيوخ > جدعان- مذري -دليان-كنعان>
حيث استقروا في تلك المنطقه العظيم فسمع الشاعر عبيد بن شريعيب من شيوخ الحريره من الصبحي وقد كان ساكن في الجزيره السوريه عند العمشات من الجربان
فأرسلهم قصيدة لانعرف منها الا بيت
علما لفا مهو على الكبد هاني = فتخان الأيدي صايرين فلاليح
فسمعوا بالقصيدة فرحلوا وتركوا منطقة العظيم
فنزل ابن سراي وابن عياده وجماعتهم منطقة الطارميه فارسل حسين العلي الباكوره مع رجاجيله كعلامه لدفع الكوده >الضريبه> وانتقاما من الشيخ دليان
كونه صاحب الرآي بالذهاب للوالي
فرفض الشيخ دليان دفع الضريبه وثم كسر باكوره حسين العلي شيخ قبيله العبيد
فعند وصول الخبر لحسين العلي ثار غضبا وارسل الجيش العثماني بقياده اخوه أمر الفوج عمَر العلي للانتقام
حيث كان الجيش يمتطون البغال
وقال ابن عياده وابن سراي ان البغال تخاف من الآبل فمن منكم يتبرع بالآبل لتكون بالمقدمه
فقال ابن جميل وهو كبار السلمان من البعير انا اليوم وآبلي فداء لكم
فنطحوا الآبل للجيش وهربت البغال وسقط الجنود بالارض فقتلو من الجيش تسعين جندي ولاذ الباقون بالفرار
وبقيت الجثث لثاني يوم في ارض المعركه فخشيوا من القوات المسانده من قبل الدوله العثمانيه فقاموا بفتح بطون الجنود ورميهم بنهر دجله لاخفاء جثثهم
واصيب في تلك المعركه الفارس المعروف محسن ابن سهو بن سراي وايضا سطم ابن دلي العياده وعدد اخر من الرجال الابطال
فقدمت قوات المسانده من الجيش العثماني بعد اربع ايام فقالوا انه لدينا كتاب من الوالي ان ندفع الضريبه بانفسنا للدوله ولاتوجد لنا مشاكل مع الوالي
وقال الشاعر نهار ابن معيديله:
ياراكب حمرا تقل وجه شيبه = اكواعها عن زورها طافحاتي
هوجا ومن جيش الهجاني نجيبه= تلحق فروقن بالسهل مقوياتي
لاجيت ابن سعدون ماعدليبه = ترى العمومه مابقيبه شفاتي
من خلقتي ماشفت مثله مصيبه = الروم بني عثمان جونا بياتي
تعادلوبه سربتين عجيبه = ولاد بعير كل ابوهم حظاتي
وسقنا عليهم النوق زينن حليبه=ويهوش خطو القرم مثل الزناتي
اركوا عليهم الماطلي له حطيبه= ستين مع ستين وتسعين ماتي
ياعمر واسأل عسكرك وش بقيبه =حطو بلد يمين راحو شتاتي
وهذا ما حصلت عليه من بعض كبار السن والقصيدة اطول من ذلك
وايضا قال الشاعر هيشان التبيعي قصيدة :
ياراكب من عندنا فوق حايل = مشيه خفيف ولاتوقع على الهون
خبر علي بعمر شين الفعايل = الله يسود وجهكم يوم تطرون
البارحه ونوم عيني قلايل = رخم الجموع مقدمين على الكون
اركو علينا الماطلي له دبايل = وحلف علينا بليله كاد تدون
تسعين حق الماطلي جن رسايل = ضفت علينا صوغتك يابن سعدون
يما زهموهم كاسبين النفايل = ربعي هل الشعبه وللموت يطرون
والقصيده اطول من ذلك ولكن هذا اللي حصلت عليه من كبار السن والدليل على هذه القصه في التسعينات
كان الشيخ حاكم ابن خلف الدليان عنده شاهينه ماتت وكان اسمها سلمى من معزة جبل سلمى
على قلبه قال فيها ابيات رثاء واورد هذه القصائد لان فيها دليل من ابيات قيلت على الشيخ
حاكم تدل كسرة باكورة شيخ العبيد وتحدي الشيخ دليان
الله من علم لفى يوم الاثنين = سلمى من المقناص جاني خبرها
شيهانةٍ مامثلها بالشياهين = طرد الحباري بالقنص ماعثرها
ياما خذت بجول الحباري ميادين =وياما ركظوا ربعي معاها وباثرها
وياماقنصوا به النشاما العزيزين =واليوم راحت مااهتنوا من ثمرها
اللي ينومس شيلها بالدياوين = ماظلت الا صورتاً من صورها
لوانها بالبيع لادفع ملايين =لاشك ربي روح سلمى قصرها
واطلب من المعبود عدل الميازين = انه يعوض حالة اللي خسرها
حر ٍ كبيدي من صواريم حمرين = ولياشهر بيض الدواغر صقرها
ولياضربها يشفي القلب ياحسين =اما يقص الراس ولا نثرها
وصلاة ربي عد ماقالوا امين= على النبي عداد وابل مطرها
ورد الشاعر خضر اسود العمراوي ولم احصل عليها كامله فكان رده على الشيخ حاكم فيه تأكيد لقصتنا السالفه عن كسرة الباكوره
لشيخ العبيد يقول فيها
ياراكب اللي ماعليها كثير التلاوين = وسواقها لياراد ديره قفرها
من عندنا خوذ المراسيل ياحسين = وصله لابونواف عنده مقرها
قافك ياابونواف مثل السكاكين =حزت قريته عروق قلبي بترها
سلمى خبرها جاك في يوم الاثنين = وادري عليكم وش صعايب خبرها
واطلب من الله يعوضك بداله بطيرين= وشي يتعوض ماهي خساره تخسرها
وانا ابكي طيور ماتداني المطامين =دايم على روس المنايف وكرها
طيور شمر بالمواظي من سنين =من عقبهم شمر تقاصر نظرها
ااخوات نوره بالفعايل معروفين = من عقبهم حايل اكسف قمرها
وعجيل كساب المدايح ونعمين =برجله ياما بيبان سجنن دفرها
وانتم سجلتوا با لصحايف عناوين =طير ٍلكم ريش الحباري نثرها
بشهود الاسلم كلها والصباحين =باكورة العدوان جدك كسرها
وياليت انك ياالليالي تعودين =وحايل عقب غيبات يسطع قمرها
قلته وانا من لابتن دوم عالين = ماطمنه ظيم الليالي ودهرها
وهذا الذي حصلنا عليه وفيها البيت الذي يدل على ان الشيخ دليان ابن عياده هو الذي كسر
باكورة شيخ العبيد وهذه امانه تاريخيه يجب ان نضعها كونها من الاعمال الطيبه التي يفخر فيها
كل شمري
ويرد الشيخ حاكم خلف دليان العياده على قصيدة خضر احمد العمراوي بهذه الابيات
هلا هلا بمرسال ناس ٍحشيمين = جاب الرسايل وصله ماقصرها
هلا هلابه عد ماشافت العين = وعداد سفنن جاريه في بحرها
وعداد مابالبيت طافوا ملبين = وعداد ماتخضر ويفرع شجرها
باللي لفانا فوق خمس وثمانين =سوبر من اليابان يطرب سفرها
سوبر من اليابان ركابه حسين = جاب البيوت النادره من دررها
ابيات ابن نومان نسل الكريمين =ابيات شعر من ضميره صخرها
حيثه عزيز ومن رجال ٍعزيزين =من لابة ٍبالضيق عندي خبرها
للسهل سهلين وللضد قاسين =كم مرة ٍبالضيق داسوا خطرها
لاهنت ياباكي الرجال القديمين = ولالوم عينك لوتزايد سهرها
تبكي الطنايا ملحقين المخلين =ودور اخو نوره يوم صرخه شهرها
معك كثير من الطنايا حزينين = ومعك كثير حايره في عبرها
وشمر على كسب النواميس ضارين = واهل العقول الوافيه من بشرها
وشمر هل الردات يوم الاكاوين = عسر الامور الكايده ماتعسرها
وتصبر على الشدات والعسر واللين =وتاطا الجبال العاليه مع وعرها
ذولاك زهيد وذولاك جسرين = وللموت شمر ماتخلي سطرها
واعطيك عن سلمى رموز وعناوين= جميع ربعي تفتخر من فخرها
سلمى له بقلبي كراسي سلاطين = في خيالك وفي خيالي صورها
سلمى غلاها ساكنن بين ضلعين = حبه كوى قلبي وكبدي سعرها
وهنيت ناس ٍ عن هواها مصدين = ماسامره شين بقلبي سمرها
ولاني مطول شرحها للفهيمين = هذيك سلمى اقولها واختصرها
شيهانتن مامثلها بالشياهين = واهل العقول الناقصه مااعتبرها