عبث ياحظي العاثر تزين ويرتقي لي حال=وابد يا دمعتي خلك بعيني ليه زعلانه
ترى في نضرتي تبقى معيبه دمعت الرجال=إذا استثنيت رجال نثر دمعه على اوطانه
وانا يادمعتي ماني بمن يبكي على الاطلال=انا من كبوتي ينهض شجاع يصارع احزانه
تعالي ياهموم الخلق كلك ما اقول ثقال=اشيلك واطلب الرحمه من الرحمن سبحانه
تعبت اصارع افكاري وحيد ولا صفا لي بال=وقلت أترجمه دام القصايد جاد شيطانه
روايه مآبها غير الدموع وغربتي أبطال=تشائم ياصل ابواب الامل ويسد بيبانه
مدام إن الجزى سجني سجين وارفض الإذلال=وأنا هاك السجين إلي عشق سجنه وسجانه
عشقت الصمت من كثر السكوت وكثرت الاغلال=وكرهت الشعر من ضعف القصيد وضعف قيفانه
زمان المهزله خلك هزيل ولا تجيب جزال=تعودنا الهزل والليل والدلعون والدانه
امان امان غنوله وهي ترقص على الموال=مدام البيت له رب رقص وش ذنب سكانه
ومدام عيوننا رمدا قراح الما نظنه لال= تمر العذب ماتشرب نفوس حيل ضميانه
ومدام الضرب بالميت حرام وميتنا لا زال= من الذله وهو ميت يقبل كف دفانه
تركنا جثت الميت ودفننا غيرت الابطال=تركنا شارع المسجد سلكنا شارع الحانه
بعدنا من سذاجتنا نسد الشمس بالغربال= سمعنا الجعجعه وين الطحين ووين طحانه
نلوم الناقة وندري بان اللوم للجمال= وهذا الي ترك فرعون يتمادا بطغيانه
تعبت اخايل غيوم ترزم مالها همال= زرعت التوت ماشفت الثمر محصولي أغصانه
تقبلو تحيتي وتقديري