السلام عليكم قصيده قمه في الروعه أعجبتني وحبيت تشاركوني في قرأتها
يستاهلون الجربان .......
جربان في وقت السنين المعاسير = تشهد صيانيهم عشاها غداها
وتشهد لهم كل الوجيه المسافير = بأصله وجود أفعالها مع وفاها
وتشهد لهم حدب الدلال المباهير = والنجر يشهد يوم يدوي مداها
ويشهد لهم بيت الشعر والكواسير = وقصور طينه شاهداتٍ بناها
وتشهد لهم حمر البكار الخواوير = والخيل تشهد والمهند علاها
جربان يامن زغردن الغنادير = تشهد لهم عند الملاقا إعداها
شيوخ شيخان الشيوخ الجبابير = جربان في كل المواقف وجاها
الأصل من هاشم ومن هاشم الخير = من الدوحه اللي أكرم الله مداها
العرق عرق السيح والسيح به غير = آل المحمد والبدايه بداها
وسامه المحجان على المضامير = على يسار أرقابهن ما حلاها
ومن عند سالم الجربا تشد التباشير = يوم الزعامه في يمينه خذاها
ومن عند سالم الجربا بدت بالتزاهير = الأسم شاله والفخر من نداها
ومن سالم الجربا شلاش الماشير = وشلاش له مانع بطيبه ثناها
ومن مانع الصلال شيوخ ٍمغاوير = فازوا حماد بشمر ٍوعقداها
ومن مانع المشعل شيوخ ٍ نواصير = حرشا وابن مشعل بعزه كساها
ومن مشعل المحسن كرام ٍمذاخير = ومن محسن الحميدي الأمسح نداها
ومن الحميدي طايلين الأشابير = محدٍ وصل في مستوى مستواها
خمسه شيوخ قايدين الجماهير = خمسه شيوخ والمعقل شذاها
قرينيس ومطلق وفارس وعمر وعمير = خمسه شيوخ ٍما سواهم سواها
ومن مشعل الشايب محمد مناعير = عقب شيوخ ٍمعتلين نباها
ومن مشعل الزيدان ربع مناحير = صوارم ٍما عد عد ٍعداها
كنعان ورديني وزيدان وسمير = كله شيوخ ٍ باقصايد تباها
عديته يا شيخ من دون تقصير = وضحتها بفروعها وحفداها
من سالم الجربا إليا سمير تحصير = حصر ٍحصرته من حصاها حصاها
حررتها با لطرس للشيخ تحرير = هذي الحقيقه من بغاها خذاها
ونقيتها لمنظرين المناظير = اللي يبي له غلطه ما لقاها
ويا جيت أبي أذكر رجال ٍمعاطير = تستنزف الأقلام حبره دواها
مشعل والأمسح بالعلوم المغابير = مع مانع اللي كل فج ٍ وداها
وتعد أخو جوزه زقام الهواجير = خيال رشراش المعادي عماها
وألاتبي قرينيس ليث المصاطير = يسقي عدوه علقم ٍمع شراها
والأتبي فارس ستار المظاهير = راع الجزيره جوده في عراها
والأشمل اللي من مناه التداوير = بنيه أبو عبطا عذي ٍ نباها
والأأذكر الداوي بالفعل تعزيز = مسلط أبن مطلق أذا قال جاها
وعبد العزيز المرتعد للمحاذير = دايم ولد مطلق أذا يمينه عذاها
وشلاش يوم الوقت جمر ٍوتجمير = تل اللحم مشبع جياع ٍعزاها
والنمر أبو خوذه جبار المكاسير = تعطي يمينه كل نفس ٍ هواها
والبل يا جت من وروده مصادير = أبو صلفيق فارس ٍهو دواها
وأخوه نوير بالسنين المدابير = معالقه سنيم ذراها وقاها
وزبن المجلى فاضل العمر والمير = وحمود ما لدٍ لديدٍ لداها
والعاصي المقدام زند المسامير = للضد عاصي وللمكارم عطاها
وعقيل الياور صخر الشط تصخير = شيخ ليا من قال محد ٍعصاها
ودهام أخو شاهه على الشر والخير = خيره على كلات ربعه طماها
وأحمد الياور بالملاقا معازير = عزي لمن هو في يمينه سطاها
وعجيل بن العبد الكريم المشاهير = نفسه عن المحتاج لا ما نهاها
ومنيف أبو شعلان يزور ويزير = ياصل ويفصل من صلاها صلاها
وعيال مدلول ٍ رجال شمامير = كلن ذكرهم بالكرم مانساها
وشعلان شعلان الوجيه المحضير = صباب فوق الزاد طيب حساها
وأختامها مسك ودخون ودخون المباخير = على فعول ٍطيب الله ثراها
ذكرت من بعض المشاهد مذاكير = والعاقل اللي يا قراها وعاها
تقطع لنا حمض المجالس فواتير = ويخضع لنا حلو النبا عن لغاها
لباسه الجوخ الحمر بالمقاطير = اللي تصدر بالمجالس نقاها
عباده الرحمن تحت المنابير = ما تركع ألا لربها يا دعاها
وألا المفاخر به سنود وحوادير = ومن يجهل الحر النداوي شواها
من دون زحم ٍ للجماعه وتقصير = كفيتهم والمكتفي من كفاها
وسلام من جاش ٍ يصوغ التعابير = من مخلص جاب القوافي
وصلاه من أنزل تبارك وتكوير = والكهف والسجده وعما وطاها
وأختص ناس ٍفي علوم التفاسير = من شان ما تخفى على من قراها
سبحانه المعبود حمد ٍوتكبير = رب ٍتعالى فوق خلقه إلاها
على نبي ٍحذر الناس تحذير = وضع محارمها وبين جزاها
عدا الحصا وعداد نقط القواطير = وأعداد ما نجم لمع في فضاها
وسلامتكم
""" الجوخه ""