ياجميلـةْ خَـدّْ مــن نــوره يبـيـن=نـور خــدّك قـولـي الله يحـرسـه
وذا القـوام اللّـي يهـيـم العاشقـيـن=وذا الشّفـاه اللّـي كـأنـه مـورّسـه
لاعدمـت الـزّيـن يــاذاك الجبـيـن=مَاارْوعَـه فيـه وبهـاه وملمـسـه .
بـس أنـا طالبـك لا . . لا تفتـريـن=خـلـيّ التّـاريـخ لـلّـي يـدرسـه .
الكـرم والجـود وأهـلـه واضحـيـن=فـي يميـن أهـل المكـارم مقبسـه .
لاتقوليـن حـاتـم بــذاك القطـيـن=حايز(ن) للطيـب .. بْذَبْحَـهْ لفرسـه .
ولا تقوليـن ماعِِقِِـبْ طيـبـه يبـيـن=لاكـرم لاجـود حَكْـيِـكْ هلـوسـه .!
( حاتـم الطائـي ) ولّـى مـن سنيـن=مـانـذمّـه ولابـعـدنـا نـقـدّسـه
والكـرم بـاقـي بـذربـات اليمـيـن=في جبيـن أهـل النّـدى لـه مَتْرِسَـه
الكـرم والـجـود أهـلـه غارسـيـن=بمـن بَعَدْهـم ومـن بَعَدْهـم يغرسـه
طيـب شمّـر نـاف كــل الطيبـيـن=ماحَـدِ(ن) منـهـم تنـحّـى وأَيّـسـه
طيب شمّر ..( جـود ).. كـل العارفيـن=طيب شمّـر .. مايدَسْـدَسْ .. دَسْدِسَـه
طيـب شمّـر مايـوازن بـه موازيـن=مـن يحـاول فتـح فـمّـه .. يخـرسـه
طيب شمّر مـن قـرون ومـن سنيـن=ورث جِدّ(ن) ..عن جدود(ن) .. تحرسـه
طيـب شمّـر بالمكـارم (جـودديـن )=مـن عصـور(ن) بالكـرم متمرّسـه .
طيـب شـمّـر مايـحـدّ العاجـزيـن=ماحـد(ن) حـاد وتـردّى وِبْخَسـه . .
طـيـب شـمّـر أسّـسـوه الأوّلـيـن=يوم قال ( لحيسة(ن) لـك .. وِلْحَسَـه )
طيب شمّـر ..( للجـوار ).. مجاوريـن=مابـه كـذب .. ونـفـاق ..ودنفـسـه
طيب شمّر . .( للخـوي . . متناقليـن )=ماتـركـوه وللسّـبـاع .. وتفـرسـه
طيب شمّر ..( خُوذَهْ ) ..ووش تكسبيـن=جود يمنىً .. في يمينـه .. مَعْرِسَـه . .
طيب شمّر . . جود ( تقليـط السّميـن )=طيب شمّر .. ماحدى لـه محبسـه . .
طيب شمّر . .( يـوم للذيـب الونيـن )=ضيّفه .. ماكِدْ .. تَرَكْـه .. وأفلسـه
طيب شمّـر . . خلـق ربـي شاهديـن=(( إن شمّر . . بالمكـارِمُ . . مدرسه ))
طيب شمّر..( طيب عقل )..( وطيب دين )=ولو يقاس العقل .. عسر ٍ مَقْيِسَهْ
وطيب شمّر .. بالوطى ماله موازين=من عهد ( حاتـم ) يـوم ذبـح فرسـه