مساء الخير للجميع
إيه الطنايا لابتي ياسعد منهم لابته = أسم ٍ مخلّد في زمان المجد والطنيه بقت
أهل الشهامه والوفى والطيب حاله ثابته = من عهد حاتم طيّ يالأجواد بسنين ٍ مضت
لوأنّ بالوقت العجب والناس أشوفه هابته = من ماطلع صيته مدامه حيّ لأقفى مانبت
يعجبني اللّي لانخيته الحميّه جابته = لابحت سدّك ينتخيلك بالزمن هذا ثبت
ويغضبني اللّي لانخيته كلّ حاله صابته = قام يتلعثم بالكلام وحكّ علباه وسكت
يعجبني الوافي بوقت الصمت حاله عابته = وفيّ في وقته لوالأيام شينه ماوفت
ويغضبني الناقص مدام إن الهقاوي خابته = ليه يتطاول ويحكي دامه علومه ماخفت
السالفه ياصاحبي مبطي بجوفي كابته = حتّى حضوضي يالسنافي مامعي يوم وقفت
خلّك معي سؤال صعب ومالقيت إجابته = كم لي سنه أطلب ولكن أجوبتهم مالفت
دام الزمن هذا عجب والناس أشوفه هابته = سلّم على اللّي بالشهامه والوفاء دايم ثبت