قالت وش أصلك ياولد...(قلت لحوووول)=اصلي كريـم ... وطيـب الجـد جـدي
قالت وبعده ..؟ قلت لحظه يجي القوووول=قالت : تفضل ،قلـت : تسلـم (يابعـدي)
قلت : أسمعيني... يابعد زولي هـالـزول=ربعي سناعيس وطنايـا ... يـا سـدي
لا قلت شمر قلت شمر علـى طـوووول=حنا (هل الطولات) ... ياعيون جدي
يشهد لنا تاريـخ حافـل ... ومجمـول=وتشهـد لنـا أيـام ... كانـت تشـدي
شمّـر لهـا بالعـز وقفـات وشمـول=وبنخـوة العربـان ... دايــم تـبـدي
شمّر هل الفزعات ... لا ثـارت عقـول=وثوراتها بـجنون ... ماهـي بـصـدي
أهل الشجاعه والكرم .... اهل المثـول=شمـر طنايـا ... يابعـد مـن لــدّي
صغير شمّر قـرم ... وشايبنـا عـدول=وحريمنا اللـي فـي المواقـف تصـدي
( أحذر ) .. ياصاحـب الطـرف الخجـول=إن كنت فـي شمـر ... نـاوي تبـدي
والله ما ماتسلم ولـو كنـت ... مخبـول=ولو كنت صاحي ...ياشيخ منـت قـدّي
شمّر .. سناعيس.. وطنايا على طوووول=ثوراتهم .. تُكتـب بـشجاعـه و تفـدّي
هذه حكايه أصلي ... وما جاك محمـول=أصلي كريـم ... وطيـب الجـد جـدي
.
.
.
.
للشاعر : فهد حماد الشمري
.