السلام عليكم ورحمة الله وبركاته اما بعد
اهدي لهذا الصرح والمتواجدين هذة القصيدة الحصرية عسى ان تلقى استحسانكم وترتقي لذائقتكم وتقبلوااا تقديري
ياخوك لو طال سهر العين معذوره = مادام قلب المغربل زاد به سهره
الروح مع ناعم الخدين مجبوره = والنفس تشكي عذاب الحب منقهره
الحال ماكنه الا فيه مسحوره = والعين من خلقت الله فيه منبهره
حباً مابين الحنايا وزع آسطوره = وامست حروفه على الاعضاء منتشره
ابو جديلاً على المتنيين منثوره = وفوق الحواجب بقايا أجزاء منتثره
له نظرتاً كنها للقلب ماموره = وان طالعت لي اخش بعالم السكره
الخد برقاً تضيع الشمس مع نوره = والفم لو يشكي الاهاات ياصغره
والنهد ياوجد حالي منه مقهوره = رمان صدره وضع في داخلي حسره
إليا (خطم لي) اشوف الموت وقبوره = كنه مقيد وقيده حط به قصره
ودنياي عقب الغظي ياخوك مكسوره = كسراً مضاعف ولا ينفع بنا جبره
ماعاد ينفع غرام العشق وبحوره = ركز معي يالسند في موجز النشره
أفزع لزايــد ترى ملزوم بحضوره = عجل ترى الشعر منها مل بي سطره
اسرع قبل لايهل صيام عاشوره = ياراعي الطيب والطيب على ذكره
وحبيبتي بالحياء والستر مغموره = بنت الاصايل بدين اللـه مستتره
ماهيب من شلة الشاشات مشهوره = وان طبت الملعبه با الزين منتصره
بنت البدو ماربت فا المدن وقصوره = ولاهي من اللي منايح جدها بقره
تلقى بذود أهلها عشرين مصروره = سبعين عفراً مرابعها على النقره
وختامها جل من صور هكـا الصوره = رباً بأمره عدات الدين مندحره
وســـلامتـــ( ابـو نشمــــي )ــكــم,,,