بسم الله الرحمن الرحيم
قصيده بربعي الدغيرات ارجو ان تحوز على رضاكم ولو ان كل شي معروف ولكن للاطلاع فقط
الشاعر مشعل عسام التريباني الشمري
((الدغيرات اولاد علي))
حنا عيال الشايب المقدام سترالمترفـــــــــــات (1) علي صليب الراس جدّي وافتخر في منسبي
دغيرات حنــــــــا يا ركبنا فوق قبٍ مسرجات (2)نرد المنايا مانهاب الموت دون اللي نبـــــــي
افعالنــــــا مبطي تداولها دواوين الــــــــروات (3) اعرف تر التاريخ في فعل الدغيري معجبـي
نرسي كما ترس الجبال الشم وقت اللازامــات (4) في ساعةٍ فيها تزوغ اذهان ويشيب الصبــي
وقت المعارك مانهاب الموت شجعانٍ دهــــات (5) يكفي فخرمفتاح والمجلا وغيره وشنبــــــي
وبن سعيّد شيخنا مشبــــــــــع ذيابٍ جايعــــات (6) اللي ظهر ذكره مع الاقراب هم والاجنبـــي
ومنا البطل فايد وابو حاجر زبون الجاذيـــــات (7) اللي خيول القوم بالميدان يسبونه سبــــــــي
حنا نبيع الروح مندون الجبال النايفـــــــــــــات (8) ومن لايعرف افعالنا هذاك نعتبره غبـــــــي
حنا دروع الدار يوم ان الليالي مغبـــــــــــرات (9) نسقي حصاها الدم والارواح لجله تذهبـــــي
خفاف النفوس مدلّهين الجارعطبين الهـــــوات (10) نهرٍ تدفـّق في لذيذ الشهد حلو المشربـــــي
ببيوتنا تلقا الذرا هو والمكارم والعلوم الغانمات (11) وسوالفٍ ترخالها اسماع الرجال وتطربـي
فينا الكرم وهبه من الله صح دون مجامـــــلات (12) ماقصدنا نكرم ندوّر جاه والاّ منصبــــــــي
ماعندنا ثروه سوا كسب العلوم الطايـــــــــلات (13) والى تعبت ادوّر الطولات مخلوف تعبــــي
ربعي هلا الطولات من يومنّها رمح وقنـــــات (14) ياصحف بثـّي مانقول وياجرايدنـــــا اكتبـي
مافيه عيب الى كتبت بلابتي شيّن ثبــــــــــــات (15) ولاهظمت احقوق خلق الله ولااحــب اكذبي
كل القبايل تمتلك نفس المبادي والصفــــــــــات (16) ادخل على الله والظليمــــــــه مايقرّه مذهبي
لكن نويت اكتب وابيّن لي حقايق غايبـــــــــات (17) مالي سوا توضيح ماقلته مــــــــرام ومطلبي
اخاف مع طول الزمن تنسى الفعــــول الاولات (18) تنسخ جزيلات الفعايل والحقايق تحجبــــــي
وتمة وصلى الله على المختار ما خظّر نبــــات ( 19) آمنت بالله رب لا غيره وبمحمد نبـــــــــــي
صلو عليه وسلمو عد النجوم الساهـــــــــــرات ( 20) وعداد قطرات البحار وعد مرسى مركبــي
الدغيرات (حناعيال الشايب المقدام ستر المترفات)
العرض العادي
