قصيدة الشاعرسايرالعامودي
ياهنوه تبغى لك مع القوس لاعـوب = نفسك طروبة والرـــبابة طروبه
كان ارتكى حيد النوايا على صــوب = واهل العقول الواعيـة رحبوبه
ان كان عنده للهوى فتل واسلوب = كلٍ يدور به شوارد ذهـــــــــوبه
كانه يدور في كحيلان عــــــــذروب = تقضي حياته ما يلاقي عيوبـــه
اشوف هرجه بالنقيضين مصحـوب = يرجي من البهتان خير ومثوبـه
يافاتحين الباب خلوه محجــــــــوب = وان ولعت رحتوا وقايد شبوبــه
يالزمرة اللي تاخذ العلم مقلــــــوب = غلطاتهم كل العرب برقوا بــــــه
ماحدن بحال مشذبة كل عرقـــــوب = اللي تمهد للخطايا دروبـــــــــــه
ياللي تحداني ترا مانت محســــوب = بس اتسلى فيك نوبة ونوبــــــه
لاخالدن شاعر ولا مات موهـــــوب = ان شاف كفين الزمان مخضوبـه
وان شفت حالك مانت غالي ومحبوب = كلٍ يورَى من عواقب ذنوبــــــه
امَا عني مسموح وايامنــــــــــا دوب = تاخذ وتدِي والليالي ركوبــــــــه
لو قلت لي حطوك للحق منصـــــوب = الناس تدري بالرياح وهبوبـــــه
واليا انقضت حاجات في نفس يعقوب = حطيت بافواه المباغيض طوبـــه
والحمد لله عند الاصحاب مرغـوب = لي سيرةٍ عطرة ليامن حكوا بــه
واعلم تراني من هل المجد منجوب = حنا خلقنا للمخا لــــف عقوبــــه
حنا هل الردات والفعل مكتـــــــوب = في صفحة التاريخ للي قروا بـه
شمر ليامن صار للحرب لاهـــوب = كم عايل (ن) من فعلنا قال توبه