اقتباس:
المشاركة الأصلية كتبت بواسطة ابراهيم بن حسان
هنا قصيدة الرحيل.
ملحمة كتبت ونشرت بعد صمت طويل..
لا أقصد بها الإساءة لأحد إلا لمن يبخس حقوق الناس..وهناك حقوق يجب ان تحفظ لأصحابها.
كتبتها عندما سأُلت عن أمور يجب أن يجيب عليها التاريخ وليس انا .
حاميني الله لو تزيد أعدائي = كثيري أكثر لو تقل أشيائي
لو تسألون البحر الأحمر عني = أبلغكم إن ماؤه من مائي
ماهمني محمود وإلا محمد = لو شوهوا لي صورتي وأنبائي
اللي أهم من الخلايق عندي = خالقهم الرحمن يا (حسنائي)
إن ضاقت الأرض الوسيعه فيهم= قربتهم وأسكنتهم بيدائي
وإن جتهم الدنيا على مارادوا= باعوني من الألف حتى يائي
انا وريث المجد ياللي تقرأ= إقرأ كلامي وإنتبه لإيمائي
انا حفيد الشايب الحساني= إبراهيم جدي وإسمعوا ياعدائي
سيّد من أسياد العرب ومتوّج= تاريخي أكبر محتوى لأسمائي
ماني بحاجة شئ يا متذمر= العز يحمل بصمتي وإمضائي
و(ال..؟) كانه عز ناسٍ مثلك= معزتي من قبل دور الطائي
أنت الذي سألتني وأجيبك= وإجابتي تجعلك تحت (..ائي )
حنا كبار الروس يامتصاغر= حنا دواء مثلك وحنا الدائي
حنا شرف ماضيك يامتردي = وحنا هل الهيجاء بالهيجائي
حنا سنام المجد وإنشد ربعك= وانت البعيد المستذل النائي
حنا عريبين النسب والمنسب= حسان والحسان بالعليائي
حنا لنا سنجار يركع شيمه= وإن ما اجاب طويق صعب إرضائي
حنا هل المدات والصينيه = اهل المشاعل والكرم تلقائي
حنا خلقنا للعطاء بالفطره = غانم خذاه وورثه لآبائي
حنا للأسلم .. بيرق ٍ مايتبع= إلا لنا من نجد للحدبائي
حنا هل الغزوات واهل الهجرة = نقودها بالطيب والإعيائي
حنا زرعنا الارض جود ونخوة = ونترك بها مرأى لعين الرائي
حنا لنا تاريخ مايمحونه = من حاولوا ظلمي وثم إيذائي
ياهيه ياللي كل يوم بديره= تلهث وراي وتستصيد أخطائي
الله عطاني شئ ماتحلم به= انا الأديب وأنت من قرائي
انا ولد حسان يأكبر جاهل=والشمريه ساكنة بأعضائي
لو ضاقت الدنيا على وحدتهن=اقسم بربي غير شفت أشلائي
انا اعيش بدون فزعة حرمة = أموت عز وصيحتي بأحشائي
انا سليل قدير ياللي تجهل = و (أهل اللحيسه) لابتي ودوائي
قوم ٍ لنا التاريخ دايم ينصف= يفرق هل السوداء والبيضائي
والله يسود وجه قاصر حقي = وانا النخيل الشامخ الإحسائي
والله يردّي كل شخصٍ حاقد =اللي نوى ذلي وراد إردائي
ماني محسب هقوة المتخاذل = دربي سليم ومعتدل بآرائي
وزني ثقيل ولايهمن غيره =و أوفي إليا شح الزمن بإيفائي
من روس شمر وانتخي بالحسناء= وإليا طنيت أرخصت كل أجزائي
خذيت من روس الجبال الحكمة = ولا همني من راح أو من جائي
أزعل إليا شفت العدل متمايل = وأضرب نعم في عرض كلمة لائي
أشوش لامن راح حق ربوعي= أما أموت بعز ... أو إحيائي
طبعي كذا والطبع يغلب وقتي =والوقت هذا وقت للغوغائي
ماهوب وقت الشيخ وأهل الضمر= اللي تشيل الحمل والأعبائي
هذا زمان أرجوك ضبّط وضعي= ومن بعد موتي شوف وضع أبنائي
الواسطه والمرتشي والراشي =ما هزّوا حصوني وكبر أرجائي
لاشك ظلم الناس يأثر فيني= وإلا انا موجود في جوزائي
ماقد تركت العالية للطامن = أكفخ كما القرناس في خيلائي
وإذا نخيت أختار من به نخوه= صمتي يعبر عن كثر ضوضائي
اختار رجلٍ ينتخي بالعوجاء= يستفزع الأموات والأحيائي
نايف واذا ناديت نايف صارت= أنوار زيف أفواهكم ظلمائي
خلايف معزي وريث الأجرب= يعرف طريقي زين وإنتمائي
ابيع دمي للوطن وأشري به = ديني..مليكي..موطني..ولائي
شاعر وأبي حقي ولاني خايف= رقمي صعب والصعب..هو إلغائي
هذا وانا ماقلتها متكبر = ولا أقصد المنه بكثر إعطائي
اقولها توضيح للي يسأل = عن مجدي وتاريخي وإنشائي..
يكفيه لو زار (الحويجة ) عني= تعطيه ماضييّ وكل أشيائي
تحيتي وتقديري |
والله الف الف الف نعم بك وبالعزوه اللي انت منها
ومن لايعرف
الراقي بكرمه وشعره واخلاقه
الاستاذ الشاعر الكبير شعرا
ابراهيم حسان
صح السانك
ولك الحق الفخر والافتخار ياراقي
ورب السماء انك اخ غالي وشاعر راقي ورجل وافي
الف الف الف نعم يااخو حسناء
محبتي لك
اخوك رابح الغضيان
(ابوهيثم)
هنا الرحــيــــل !
[/IMG]
العرض العادي
