الليل ثلثينه مضت قبل الاسحار = وانا عيوني ماغشاها المنامي
انادم الدلّه على جذوة النار = فنجالها طيّر برأسي حمامي
اخيل برق الشعر بمزون الافكار = وين اتجاهك يالسحاب الركامي
سحر القصايد داعب الفكر وإندار = للقاف والمعنى وجزل الكلامي
الله يازين المدايح بالاخيار = يسمو به المدّاح من مدح سامي
سلام ياشيخاً كما الغيث مدرار = شيخاً على فعل الفضايل تحامي
سلام يارمز المرؤّه وإلايثار = عبدالله العاصي رفيع المقامي
انا بدال خضير يارمز الاحرار = امدحك واسلّم واثنّي سلامي
المدح في مثلك معزّه ومقدار = للشاعر الصادق وهذا مرامي
انتم رموز المجد بأثبات واقرار = دخلتوا التاريخ موكب حشامي
وش قال فجحان الفراوي بالاشعار = غدو به الجربان شرقاً وشامي
تاريخكم عطر المتاحف بالامصار = لندن والاستانه ودار الإمامي
زعامة الجربا لها اذكار واخبار = بين الحجاز ونجد قاد الجهامي
وشيّدتوا التاريخ بسفوح سنجار = يأهل المضايف والسيوف الدوامي
مامثلكم بين البرايا والاقطار = لو يرجع التاريخ للالف عامي