بعض الحواجب مااعليها على عيني -للنايفه - ][ موقع قبيلة شمر الرسمي ][WwW.aLlShMr.CoM

2011-07-28, 02:44 AM

بسم الله الرحمن الرحيم

السلام عليكم ورحمة الله وبركاته

بعض الحواجب ماأعلْيها على عيني=ماكل حاجب مكانه بالفعل حاجب
كم كلمةٍ جاتني و القصد توذيني =وصد لو خاطري منها ما هو طايب
مادام نصف العرب ناس مجانيني=مالي بهم والحكم في تركهم واجب
تركتهم و أمرهم ماهو بيعنيني =وش لي بناسٍ بنار الحسد تتحارب
ياناس جمر الحسد ماعاد يكويني =و القلب ماهو على نار الحسد ذايب
بعض العرب ودها تلغي عناويني =لاشك نجمي يشع و نجمهم غايب
اللي بعين الحسد دايم تراعيني= و دمع القهر في عيون اهل الحسد رايب
ارجوك من شرهم يارب تحميني = اهل الحسد دايم للناجح تحارب
و الا هل الخير و الناس الرضييني =نهراً زلاله يبرّد لهفة الشارب
و انا لو اموت ماتنزل موازيني = و البحر مايشتكي من رحلة القارب
اقولها و العرب تقرا و توحيني = و لاني ليا قلت يجي العلم متضارب

2011-07-28, 03:51 AM

اختي النايفة صح لسانك عدد حروفها..تقبلي مروري

2011-07-28, 03:21 PM

ارجــــــوك مــــــن شـــرهـــم يـــــــارب تـحـمـيــنــي
اهـــــــل الــحــســـد دايـــــــم لـلــنــاجــح تـــحــــارب

صـــح لسانك يالغاليه

الله يحميك ويحمينا من اهل الحسد

خالص الود

2011-07-28, 05:05 PM

صح قلبك وكلك / النايفه

ابيات جدا معبره وجميله وهادفه

ابدعتِ واذهلتيني بعذوبتكِ وسلاسة حرفكِ

شكرا لك

2011-07-28, 05:13 PM

مـــــادام نــصـــف الــعـــرب نـــــاس مـجـانـيـنـي
مــالــي بــهــم والـحـكــم فــــي تـركـهــم واجـــــب
تــركــتـــهـــم و أمـــــرهـــــم مـــــاهـــــو بـيـعــنــيــنــي
وش لــــي بــنــاسٍ بــنـــار الـحــســد تـتــحــارب
يــانـــاس جــمـــر الـحــســد مـــاعـــاد يـكـويــنــي
و القـلـب مـاهـو عـلــى نـــار الـحـسـد ذايـــب

صح لسانك على كل حرف جاد به قلمك
دمتي نجمة ساطعه تبهر الكل بمنظرها الرائع الجميل
حفظك المولى ورعاك