جرح الوداع اللي نزف باول الصيف = خلاني استذكر دموع السحابه
القاع ضامي والسراب امتلاء زيف = والدار قفراء والاوادم ذيابه
كنت احسبنك ياقلم تشبه السيف = لقيت موتك في حروف الكتابه
ياحيف ون قالوا هل الطيب ياحيف = ردت لي الشرهات ماهي طلابه
والدله اللي تنتظر شوفة الضيف = ابطت تقهواها خشوم الذبابه
وانا انتظر واسئل عن الكم والكيف = وارجع ولا القى للسوال الاجابه
ارجع اظم الحلم ويزورني طيف = كنه يقول لضيقتي ياهلابه
للهم قصه في ظلوع المواليف = نتاجها مولد حدود الكئابه
ونتاجها من عرض بعض السواليف = قصه تداولها حنوك الغلابه
فأن كان جرحك ناظروه الملاقيف = ابشرك كل الجروح اتشابه
واكبر دليل الجرح من اول الصيف = ينزف ولااحدن شاف دمع السحابه