تجرعت الغياب ولا بقى في داخل المطعون = سوى جرحن من اللوعات والحسرات دملته
جنون المحبره مدري جنون الشاعر المجنون = نزف حرف الغياب وشوفني وشلون كملته
سحابه عين تمطرني وتخرس حرفي الملسون = الين الصمت يبحربي عن العالم وبلبلته
اشوف عيون تبكيني ومن حوله كثير عيون = تناظر لي وانا من خوف لايدرون هملته
ولديت النظر واقفت تجر خطاه هون بهون = وانا البركان في صدري ياربي كيف خملته
وقفت ووقفت كن المشاعر صيحت تكفون = ولاكن للاسف طاح الجمل في قشه احملته
عرفت ان الرحيل اللي علا رف الزمن مركون = نوى يكتب علا القلبين بالترحال هجولته
وداع الجرح يانبض الوجود وياحلاة الكون = وانا بعدك جوابن ماعرف يتخير اسئلته
احبك ايه احبك لا حرام اني بك المفتون = تعالي وسمعي اسمك بصوتي كيف مولته
اهيجن بك الم فرقا نسيت ان الألم طاعون = ونسيت ان الحمول الكايده في منكبي شلته
فمان الله والجرح القديم اللي معي مدفون = قتل هالزامل اللي في كتاب الوقت زملته
عسى درب السفر دربك وكل عسرن عليك يهون = فمان الله والجرح القديم ان ثار دملته