عندما شفت ماتقوم به اسرائيل من عمل ضد العرب في فلسطين من قتل للرجال والنساء والاطفال وسكوت العرب والمسلمين تذكرت شاعر القلطة او المحاورة عندما يريد يقول بيت جديد يقول للصفوف خلوها ثم يخلونها ويسكتون حتى لايشوش صوتهم على صوت الشاعر من شان الجمهور يسمع بيت الشاعر ويعرف معناه ،
وبما ان اسرائيل تمثل دور الشاعر والعرب يمثلون دور الصفوف! تعرفون العربي دمه حار وعنده غيره ؟؟ صراحة زعلت وقلت ابي ادخل على اسرائيل بين الصفوف وابي ارد عليها ؟
لكن انا شمالي كما قالوا ماعرف لحن القلطة ؟؟ فقلت ابي اقول رد على لحن العرضة،
لان العرضة عند العرب هي دينموالحرب التي تحرك مشاعر الناس ،
والله وانا ادخل قلت خلوها ؟
طالبك يارب بالعـشر التوالي 00 تنصر الاسلام وتــذل اليهــودي
قــدسنا تصيح في الصوت عالي 00 تنتظرفزعة عريبين الجدودي
ترجي الهبة جنوب ومن شمالي00 مار جبهات العرب صابه جمودي
شغلهم ماهو بخوش ولاعدالي 00 انتها من عندهم ضغط الزنودي
والله انه شي مــاكــان بخيالي 00 مار شوف العين مايبغي شهودي !!
يوم انتهيت من الابيات وهو يطلع لي (العقيد ادرعي )الناطق الرسمي باسم جيش الدفاع الاسرائيلي لانه يتقن اللغة العربية وكلفوه بالرد علي ،وقال خلوها ؟
انت يامسكين هيد ياحــلالــــي 00 انت وينك وين وعيال اليهودي
انت عندك بس بشتك والعقالي 00 وعندنا صاروخ عابر للحدودي
ياصلك لو انت راعي بالجمالي 00 لو تغيب بالجبال وبالنفودي
وكان تنخا للعرب مافيه والي 00 كنهم اموات في وسط اللحودي
مار خلك دوم عند ام العيالي 00 لهالسوالف ياحبيبي لاتعـــودي
صراحة يوم شفت ابيات العقيد ادرعي قوية وهو لابس رسمي وينظر لي بعين حمراء جاني الخوف وقلت ابي اترك الشعر وامسك الصفوف ؟!
لكن يبدو انه حقد علي ، وقال هذا الرجل طلعوه من الصفوف ولايجي للملعب مرة اخرى !
واضاف يقول هذا مديل قديم منتهي مفعوله وغير حضاري!!
انا يوم سمعت كلامه عرفت السالفه وانا ارجع للمركى واخذ بشتي كنت حاطه عليه وانا اسري يم ام العيال ،، والعرب يقولون خير الرجال رجل ٍ عروف ؟؟؟
انتهت القصة ولا فيه حصة ؟
اسرائيل للعرب خلوها والعرب خلوها ؟؟! طالبك يارب بالعشر التوالي :
العرض العادي
