من هجوسي ودي ابدي شي مخفي = في رموز الشعر ابابيح السريره
قبل لايفرط بعد ماصار مشفي= ماهي من عيون نظرتها قصيره
عين فيها يقبل وفي عين يقفي = ماتساوى بينها بصر و بصيره
ثابته ماهي بمن يثبت و ينفي= في زمن شره نبت في راس خيره
في سما اثنين وثلاثة عد يكفي = بالوتيره نفسها نفس الوتيره
مايوافقني ولا ياقف بصفي =من نثر كحله على جنحان طيره
في زمن من مايحس صداع نصفي= مانعكس والاوله مثل الاخيره
لاجل مايصبح محذا القوم محفي=ويتحذا الحافي وتكبر صغيره
معتلي من فوق ساس العز سقفي= وفزعتي في قل واجدهم كثيره
هقوتي من قوتي في وقت ضعفي= تاخذ الحره وتفتك الاسيره
ياقديم الجرح مدري كيف تشفي = وكيف ياقف نزفك وياقف نثيره
لو بدى ماخفيت من كتفي لكتفي= ماوصفت النور للعين الضريره
ابتديها بحرفي وفي نفس حرفي= تنتهي والعاقل يحكم ظميره
تحكيم الظمير
العرض العادي
