سر ياقلم / بقلمي
سرياقلم واكتب جزيل المثايل=دام الخواطر ياقلم داخلي فل
ابغتنمها وابتدي بالجزايل=جزل المعاني من هجوسي مذلَّل
مالي عن جزلك ياقصيدي بدايل=قم وتنهَّض ياقصيدي تجمَّل
خلك معي ضمن الصفوف الاوايل=جيب المعاني واحذر الوزن يختل
الناس تعرف جزلها والهزايل=احذر تجي ياقاف ضمن المهزَّل
رسول شعري قوم زور القبايل=واحذر تجاهل اي رجلٍ امبجَّل
سلم على شمر لامن جيت حايل=وميِّل على برزان ياخوك واسأل
يعطيك عن شمر جميع الدلايل=اللي كرمهم بالجزيره امكمَّل
شمر هل الطولات واهل الاصايل=الكل منهم بالشجاعه تزهَّل
وسلم على الويلان لاجيت وايل=الضيف لاجاهم حشيمٍ امدلَّل
شجعان ٍ في وقت الزعل والصمايل=تاريخهم يحكي حديثٍ مطوَّل
وسلم على العتبان ساس الجمايل=الكل منهم بالنخاوي امجمَّل
وفي حزت الضيقات شوف الفعايل=صغيرهم يعقد لك الحبل ويحل
وسلم على حرب الكرم والفضايل=قصيرهم من قربهم ماتململ
تميِّزوا بالدين والفعل هايل=الموت بالحربي لاكبَّر وهلَّل
وباق القبايل عنهم الشك زايل=كلٍ بطيبه ياجماعه تكفَّل
والنعم والله في رجال الحمايل=كل النشامى عندنا الكل بالكل
واختم كلامي بعد سرد الرسايل=عسى طريقي للحقيقه امسهَّل
وصلاة ربي عد وبل المخايل=على الرسول اللي علينا امفضَّل
الشاعر / نايف الشويب السليمي