اقتباس:
المشاركة الأصلية كتبت بواسطة عبدالعزيز الحميدي
قالو : تجارة ؟ قلت : مامن توافيق
الحـظ مايـل !! لكـن الفال ما مـال
مبسوط عايش بين شعر و طواريق
حتـى ولو حظي على الوضع مـازال
حَرّج على (طول المُعانات) والضيق
وإسحب على (قل المعاشات) مـوال
طفرآن/ وراسي فوق عال الشواهيق
و رمـز الكـرامة عندنا صـار تمثـال
يــاحـيّ منهم بالـمراجـل مطـافـيق
ما همّـهـم لـو سـمّـو الـطيبـة هبال
ويـا قلّ من يجمع بوسط الصناديق
مــا يـدري انـه للـمـواريث شــغـال
كـان التجارة في قـفـول و مواثـيـق
تجارتي ماهـي على جـمع الامـوال
و كان الـوناسة عندكم يالـمعـاشـيق
(وناستي) خذها على عدّت اشـكال :
الصـيد و الخـوّه و جيـب و مطاريـق
وأرضٍ حـلاهـا الله من سهول وجبال
في صحصحً يطرب ولا بـه مـخاليــق
و البارِحة جـاهـا مـن الـمـزن همّــال
وناسة/ن تسوى السـراوات و طـويق
مـا تنـشرى بالـمـال يا راعي الــمـال !
الـمـال ما يـفـرج إذا صـرت فـي ضـيق
ما دام ما عنـدك علـى الضـيـق رجّـال !
بـنـك التـجـارة مـع رجال/ن مـطـالــيق
لـو كـان ( فالبنك التجاري ) ولا ريـال
عبدالعزيز بن عبداللطيف الحميدي
|
عبدالعزيز الحميدي / احب اقولك شي الله يوفقك بالدنيا والآخرة انت شاعر وتاجر وغني نفس ورجال وعندك راس مال وراعي صيد وكل العلوم الطيبة
تمتلكها بيض الله وجهك وصح لسانك وسلم بنانك وسلموا عيالك وكثر مالك وطاب فالك وبس /
تحيتي لمقام سموكم الكريم :