السلام عليكم ورحمة الله وبركاته
كان من عاده الامير محمد العبدالله الرشيد (المهاد) لاجاء وقت العيد انه يعطي المال وغير المال ويوزعه على الناس فجاء احد الاعياد وتأخر دغيّم الظلماوي الشلاقي الشمري ويوم راح للامير محمد وسلم عليه يوم طايره الطيور بأرزاقه وماخوذ ماعند الامير فقال دغيم هالقصيده مخاطبا بها الامير محمد :
ياما من الماهود فرّق ضحى العيد
(كفخات شام) تقـل نـوّار وادي
من مال معطي ناحلات المقاويـد
وارد عطايا طير شلوى جـوادي
بنت الكحيله كنّهـا قايـد الصيـد
وانا اذكر الله يوم تركض سوادي
لاشك انا عنهم تقل من وراء حيد
تقنطرت بي يوم نـادى المنـادي
سوالف الدنيـا طـوال سراميـد
محيي العظام اللي سمادٍ رهـادي
خلاك كل الكل منشـي الرواعيـد
عدل ٍ يحب العـدل رب العبـادي
الواحد القهار مطلـع نمـا الغيـد
سبحان من يحصي عيال الجرادي
يارازق الداب العمى يسبق الصيد
يامقصـدي يامسنـدي ياسنـادي
تاسف لقلـب ٍ باريتـه اللواكيـد
ليث لصعبات الاشياء ...سـدادي
عز الرفيـق وعلثـة ٍ للقواصيـد
وزبن ٍ لمن حلّّه من البين حـادي
من كتبة التاريخ ورضّع على الديد
مثلك شجاع ٍ ولا يجي لك ملادي
عدّّيت على افعال عنتر وابا زيـد
وابن الوليـد وحاتـم ٍ والمهـادي
وبك ذراب ان عدّت علوم الاجاويد
كل الخصال الطيبه بـك وكـادي
ياجاري الخابور ياعيـن عربيـد
ياكوكب الاعكاض للـورد زادي
الجود عندك خادم ٍ وانت له سيـد
وربي خلق كفّـك لمالـك نفـادي
لو قو باسك فوق حزم الجلاميـد
امـداه يازبـن البليـدات بـادي
وشارات طيبك مايعـدّك عواديـد
من عدّ مابك غـادي ثـم غـادي
شربوه ياسم النشامـى الاضاديـد
ماقلت زور ٍ ياسطـام المعـادي
اظن هرج الصدق مابـه مناقيـد
العيب والخذلان هـرج الـدوادي
ياطير شلوى مقتفينـا حواصيـد
ولا خير في عمر ٍ وراه الحصادي
وصلاة ربي عد ماهل مـن عيـد
على النبي محمـد خيـر هـادي
رحم الله المهاد ودغيم الظلماوي رحمة واسعه
================================================== ==================
هذه قصة للضلماوي والكثر الكثير يعرف هذا البيت ولاكن يجهل قائله
وماهي مناسبة قوله وبعهد من .. هذه القصه امل اني افيدكم بها :-
علي وقت الامير محمد العبدالله الرشيد ذاع صيت / دغيم الضلماوي
الشلاقي الشمري ذاع صيته بالكرم وخاصة القهوة ......
دعونا نرى ما هي قصة ( دغيم الضلماوي مع القهوة )
كان ابن رشيد جالس في مجلسه ويتباهى بالكرم فقال له احد الجالسين يا طويل العمر لاتفتخر بالكرم فهناك من
هو اكرم منك فقال ابن رشيد من هو فقال الرجل ( دغيم الضلماوي ) رجل فقير وان اتيته في منتصف الليل
لوجدت ناره لا تنطفئ والقهوه جاهزه في كل وقت فسكت ابن رشيد ليتأكد من الكلام وحتى لا يذهب
الرجل ليخبر دغيم
وبعد مده ذهب ابن رشيد في منتصف ليله شديدة البرودة لمنزل دغيم واراد أن يتأكد من ما سمع عن كرمه
فتسلل ابن رشيد خلف بيت دغيم واذا بالنار مشتعله والدلال على النار ثم بدأت النار تنطفئ فقال دغيم لابنه
كليب قم شب النار فقال كليب اليوم برد واحنا في آخر الليل ولن يأتي أحد فقام الاب واشعل
النار وقال لابنه هات الربابه وانشد يقول
ياكليب شب النار ياكليب شبه = عليك شبة والحطب لك يجابـي
وعلي أنا ياكليب هيله وحبه = وعليك تقليـط الـدلال العذابـي
وادغث لها ياكليب من سمر جبه = وشبة الي منه غفى كل هابـي
باغي ليا شبيتها ثـم قبـة = تجلـب لنـا ربعـا سـراة غيابـي
بنسريةً ياكليب صلفا مهبه = لاهـب نسناسـه تقـل سـم دابـي
سراة بليـل وناطحيـن مهبـه = متكنفيـن وشوقهـم بالعذابـي
الوالمة ياكليب عجل بصبه = والرزق عند اللي ينشى السحابـي
صبة لقرما صرفته ماحسبه = يوم البخيل مكنهب الوجـة هابـي
وصبة لمنعورين ليا جاة نبة = يرخص بعمره والدخل لها ضبابي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة =يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى ايش لو يلبس وبينن وجبه = معيرة على غضير الشبابـي
أنا لقيت الصبر يازين غبه =يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي وهذا مطبه = من قبـل مايسفـح علينـا الترابـي
سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-
الوالمه يا كليب عجل بصبه = والرزق عند اللي نشى السحابي
يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .
قال الامير محمد
:-
ما تقولي يالضلماوي وش عندك به يوم انك تقوصد يا
كليب يا كليب . فعرف الضلماوي ان الامير زعلان فقبلة وقام ومد يده
للامير وقاله :-
مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله
مده رهن لولاك ماقلت ياكليب =ولا قلت شب النار وصر موقدا لـه
في ليلة تجـدع سـواة المشاهيـب = نسريـة تلصـق خليـل لخلـه
نطعن بعزك ياحصان الاطاليب = عسى الله جمع حزمتـك مـا يفلـه
يالجوهر الناريز يالمسك يالطيب =يـا عنبـرا مـن جربـه مايملـه
تكفـي محاليـب وتملـى مجاليـب =وكبـد تيبسهـا وكبـدا تبلـه
ياطير شلوى مالقي بك عذاريب = لو تستحتي ما تجمع الطيـب كلـه
يا بو اليتامى والارامل ومن عيب = وأبوا لمن صار العصى ثالث لـه
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب = سامح عسى اللي عقبك بألف حله
وعقبة قال
الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة
================================================== ==================
دغيم الظلماوي يمدح الامير محمد بن عبدالله بن رشيد والامير حمود بن عبيد بن رشيد :-
المرجله بيره بعيد المجاذيب=على بعض ناس ٍ عسير ٍ متلـه
حشته ونشته يا نحاز الاجانــيب = حيثك مثل حر ٍ ضرب له حـبلّـه
حشته بعدواتٍ بروس المراقيب = لا غبت يا حمض الكبود المغله
ياطير شلوى ما لقي بك عذاريب = لو تستحي ما تجمع الطيب كله
إنت الذي تلفي عليك المراكـيب = حين ٍ غلا يا مير واحيان ذ له
يا مير طيبك ما لقي له حواســيب =ظلما وغدر وتايه ٍ مستد له
يا بو اليتامى والأرامل ومن عــيب = وابو لمن صار العصا ثالث ٍ لـه
لا جا يتوكى فوق عوج المصالـيب = لامال وقته صرت إنت ولد ٍ لـه
تكفي محاليب ٍ وتملى محاليـب = كبد تيبسها وكبد ٍ تبلـه
مده رهن لولاك ما قلت يا كليب = ولا قول شب النار : صر موقد ٍ له
في ليلة ٍ تجدع سواة المشاهـيب = نسرية ٍ تلصق خلـيل ٍ لخله
نطعن بعزك يا حصان الاطاليب = عسى اللي يجمع حزمتك ما يفله
يالجوهر النارينز يالمسك يالطـيب =يا عنبر ٍ مع ناقله ما يمله
إن كان هرجي به عليكم عذاريـب = سامح عسى من عقبك لألف حلـه
ولا انسى حمودٍ راس حصن المطاليب = لا خالف المسمار بالقاز تلـه
================================================== =================
وســـــــــــــــــــــــــــــلامتكم " حضرته من عدة مصـــادر ، وان شاء الله تعجبكم " .....
العرض العادي
