السلام عليكم ورحمة اللّه وبركاته0
أخواني يوم الخميس الموافق22/12/1427هـ عزموني جيراني على شبّه العصر ودارة السوالف الى أن وصلت الى شايب كبير بالسن وتحدث عن الكاسب بن عبكلي الشلاقي الشمري0وشرح القصه قلتها في الأبيات التاليه0وتبون الصحيح راسي أرتفع حتى حسيّت أني واقف بين الحضور0طوّلت عليكم بالمقدّمه أعذروني
أمس العصر في مجلسٍ كلّه عنوز=حل المجال وسولفو بالشلاقي
بن عبكلي كاسب الطيب والفوز=عزاً لشمّر بالنواميس راقي
قال المسولف والوفاء علمه يجوز=زل الربيع ومرقب الصيف واقي
واضح كلامه ما خلط هرجه رموز=عودٍ كبير السن مهّدف دقاقي
يقول جينا ورّد لمطرّف الهوز=وهلابنا الوافي عزيز العماقي
العايدي والسقس ما يشّكن العوز=عدّك على هداج عذب السواقي
ما حطّه لجل التين والزرع والوز=أهم شي الورد هم والطراقي
أنا شهد إن المرجله حايزه حوز=ماهي بحب خشوم والا أتفاقي
ما قالو المشّرع من الشبك محجوز=هذي شهادة حق ماهي نفاقي
ياحي مجدٍ ما ذكر يوم مهزوز=عليه فنجال البطوله يساقي
أخوكم/مانع البريكي
شهـــادة حــق
العرض العادي
