أبدأ باسمك ياكريم=يارب العرش العظيم= يارحمن ويارحيم= يامهلك عاد وثمود
وبعد ذكره قلت أبيات=لأهل الطيب مبينات= مرتبات واضحات= مافيهن نقص ولازود
أسمعوني ويش اقول=يافطينين العقول= كل شيّن له اصول= ياعزيزين الجدود
أسمعني ياراع البيت=لاحظ قولي بيت بيت= ياللي ودّك علم الصيت= أحذرك من البرود
الغفله راس الضياع=وأنت امام اللّه راع= أبذل كل المستطاع= التكاسل عكس الجود
جنّب طريق الخمول=مذموم ولاهو مقبول= تعوّذ منه الرسول= ويقال الصدق الماكود
عندي عزيز أبانصحك=قبل تظهر فضايحك= قبل ضدّك لايجرحك= أحذر من ذاك المقرود
اللي تجيبه يسوق=للمدارس ويضا السوق= ولآتضنّه يبوق= يمّرح ماعنّه منشود
أمنت السايق وارتحت=لاراقبت ولانصحت= وفي حب الدنيا سرحت= حاضر وحضورك مفقود
تاتي من بعد الدوام=وبعد ماقسمّلك تنام= وللأستراحه مهمام= تسهر لازود ولافود
ساحر قلبك لعب الهند=وتارك وراك أبن الهند= في بيتك يصهل ويحند= كنّه أخوهم معدود
يؤدي لسوق الخوات=واللّه يستر بالغفلات= بالروحات وبالسجات= ماياتي لشّوك ورود
كافر والكافر مذموم=عدّل نفسك يامنجوم= قبل عيب وشق أهدوم= واخر حياتك لدود
والمشاكل بالبيوت= والخدامه هي الموت= وأنت راضي لسكوت= عدّك لشّين محدود
فنصاء الخشم أم النكبات=ما قامة للّه صلات= تربّي عيال وبنات= والنتايج سود سود
هي الأب وهي ألأم=وهي الخال وهي العم= يامتجاهل مالك دم= هاذي ماعنها صدود
له كلام وله نفوذ= تربيهم مبدأ منبوذ= حرام وعيب وشذوذ= ماتصبر عليها كبود
بعض العالم مآبه روس=يرضى في بيته هندوس= مخّه مقلوب ومنكوس= بس جسم بلا وجود
والخدامه بالأطفال=تفعل شيئاً لايقال= تبصّر يابن الحلال= طف ناره لاتزود
مشاكلهم ماتنعد=جنّب لو أنك منحد= شغّل تفكيرك من جد= قبل تسديد البارود
درباً تجي معه الريح=سكّر بابه وستريح= علماً أكيد وصحيح= قبل تصديق العقود
والأدهاء من ذالك ذاك=لاضافك بالبيت أعماك= كل شرّه مايخفاك= مرسول وصوبك مقصود
كل البلاوي بالدش=فيه الفضايح والغش= إيهدم البيت اليا دش= خطّة حرب بلآ جنود
مرسلينه صوبك خاص=أعدأ من ضرب الرصاص= تدري منهم هال أشخاص= هم الطغات اليهود
غزو فكرك غزو غصب=بالتظليل وطرق النصب= حتى قلبك يعصب عصب= وتشطّر مثل المفرود
له محبّه طائله=عند كل العائله= ياكبر خمائله= لاحدود ولاقيود
عند أبنائك هز ورقص=وين الجود وين الحرص= أبشر يالغافل بالنقص= عليك الهيّن يكود
وش ذنب الطفل الصغير=ينظر لأفلام التخّدير= ميّز يالأب البصير= لآيبقاء عقلك ملدود
رب أسره مالك كرت=لو إنّه في جيبك كرت= لانصحت ولا أنكرت= ولآ يذكرلك جهود
تبدأ الكوارث من فلم=خذ وكاد وهاك العلم= خارج عن دين وعن سلم= قبح وفساد وحقود
كاسياتً مايلات=طاغياتً عاريات= راقصاتً ماجنات= فاشلات بلا حدود
ماهراتً عاهرات=عارضاتً خائنات= فاسداتً طاغيات= لآطماتٍ للخدود
عايباتً صآيعات=زائغاتً فاتنات= جايلاتً مطلقات= لاودود ولا ولود
طعني زيّله لاتقنيه=قبل تكبر بلاويه= شرّه بان وعيبه فيه= أودع طريقه مسدود
والربا راس الدمار=أخطر للمال من النار= زوده نقص وحمل أوزار= لوهو قليلٍ مردود
ولو مالك منّه زاد=ذنوبك كثيره تزداد= يذهب سماد ونفاد= لايغرّك حب النقود
للوارث تجمع واتعد=تركض زمانك واتكد= عزّمك منهار ومنهد= مبري جسمك مثل العود
وإيصل رحّمك يافطين=أرض رب العالمين= وسنّة خير المرسلين= الشافع وقتً(ن) موعود
وجارك له حقًّ يلزمك=أكرم جارك من كرمك= لاحترمته يحترمك= عزّه عن أدنى منقود
بشانه أوصى خير الناس=جارك يامرفوع الراس= ياكاسب طيب ونوماس= وعلى أفعالك فيه شهود
وكادٍ جابو خبرك=على أيمنك وعلى أيسرك= ملزوم تبدي حذرك= مثقال الذرّه مرصود
بكل أفعالك كشف حساب=توزن في يوم الحساب= ساعة تسليم الكتاب= بيومٍ يشيب المولود
خذ للممات أحتياط=أفعل خير وزد نقاط= تذكّر وضع الصراط= في ذاك اليوم المشهود
يفر المرء من أخيه=وأمّه وأبيه وذويه= وصاحبته وابنيه= ياللّه عفوك ياودود
وأستغفر كانك أذنبت=وعن المعاصي جنبت= ربّك يفرح أذا تبت= غفار الذنب المعبود
لاإله الا اللّه=جلّ وتعالى أطعناه= لانعبد أحدٍ سوآه= نسجد لرضاه السّجود
وأزكا صلاة وتسليم=عدد ماهل من الغيم= على الرسول الكريم= داعي لدّين المحمود
أخوكم/مانع الخريصي
قـبـل تســديـد البـــارووود
العرض العادي
