كان الشيخ مجلي الشاعر عند عنزه
ويريدون يشوفون وفاء الشاعر لعبد الكريم الجربا قالو عبد الكريم غدا وبدأ الشاعر ينطر الطروش اللي يجون من ديرة شمر لما جاءه رجل سأله بلهجة عنزه صحيح عبد الكريم غدا قاله كذب وانا جيت منه وعطاني واكرمن, ذهب الشاعر الى مجلس شيخ عنزه وقال هذي القصيده عنده
علمٍ لفا امنه مقدم الراس شابي=اقفى امنه قلبي تقارش ربيعه
اعوي عوي ألذيب ولحد درابي= من واهجن غديت مثل الخليعه
ودمعي كما سيل انحدر من سحابي=من بارقٍ مثل المشاعل لميعه
ابكي شيخٍ ماحكا بالخنا بي=عيوب ماولد المحزم نبيعه
قالو غد معطي الفرس واعذابي=وعيني اللي مايبطل دميعه
سعلت بكارٍ درهمن بالجنابي=قالن كذب ماطب قلبه وجيعه
وسألت انا حتى الغنم والكلابي=قالن غديه من المباغيض شيعه
لما لفا راعي القعود الذيابي= جياب شخاليل العلوم الوقيعه
سألته انا بفتاح بابه وبابي=قال لي كذب وحكي العدو لاتطيعه
لو هو خارج كان بان الخرابي= حتى القمر والشمس يكسف شعيعه
امير قومٍ ياأمر بالزهابي=تخبرت شيخان بشرٍ جميعه
ماسرحو للحمض طوال الرقابي= يصبح راعي المال كبده وجيعه
من كف حرٍ ياضرب مايهابي=مضاربه بخطو الضريبه شنيعه
كم خفرةٍ شقت جديد الثيابي=راحت مريج وراح عنها جضيعه
امس الضحى نطيت انا راس نابي= رجم الحصى مابين غالي المبيعه
وطالعت بيتٍ حال دونه سرابي=غربي من البستان شرقي مضيعه
منوة شفيق الزاد وقت الغيابي= راعيه قطاع الفجوج الوسيعه
زيزوم زينين المحازم احبابي= اللي لهم كل القبايل امطيعه