[color="darkolivegreen"]
وصلتني هذه القصيدة من الشاعر/عبدالعزيز ابو زويد الرخيص الشمري
آمل ان تنول على استحسانكم هي وردي عليها ولكم احترامي جميع
[/
color]
بسم الله الرحمن وابدا بطاريه=الواحد اللي عالم(ن)بالخفيه
رزاق عبد(ن)ينحني له ويرجيه=غفار ذنب اللي دعا له بنيه
بسمه بديت وخايف(ن)منه وادعيه=يغفر ذنوبي ومابدر من خطيه
ومن بعد ذكره سال سيل بمجاريه=وديانها كبت عليها برديه
نقعه بيوت ومن عطش ري ترويه=تطرب لياسولف خوي لخويه
ابوك ياضاري ترا الهم طاويه=قم سو فنجال(ن)ترا النار حيه
احمس على جمر(ن)من سعيد شاريه=في ذمته عامين يابس نويه
برية(ن)متنقيه وعن مشاريه=من حب صنعا ولا هقيته رديه
وليا استوت والحب ساوا مخاويه=كبه ترا مبرادته سومريه
وليابردت دن النجر ودقها فيه=صوته يقول لعابر الدرب حيه
وقرب معاميلك على الجمر ياهيه=بغداد ماطقن بشام العذيه
ولياركدت من عقب جمر(ن)تصاليه=بهر بكف(ن)مليها عن شويه
مع زعفران(ن)يصبغ الكف مرهيه=اشقر وزاده ريح هيله قويه
ثم صب لي فنجال ترني متحريه=الراس عمس وصحوه الشاذليه
القاف عنيته لمن به يحييه=رجل(ن)خذا الطولات في كل هيه
على الكرم والطيب تسنا سوانيه=عدن واللي يمه ورد واهنيه
حاش الكرم والطيب والمدح زاهيه=واقفى بخيله عن علوم(ن)رديه
مانع حسن ابن الخريصي اوديه=القاف واشكي له جروح(ن)قصيه
بالقلب يامانع سيوف(ن)تدميه=وسوت وسط صدري بلاوي خفيه
مابين هم وضيق والحزن اخاويه=والليل ياقرب يسوي سويه
باسباب من حبه بقلبي ملازيه=هو اكسجين ودم روح(ن)شقيه
يمر لي طيفه وانا افز احييه=وفي صحوتي اسج وانسى البقيه
على العهد باقي وانا ما اخليه=باقي معه مادامت الروح حيه
لاشك حكي الناس والعذل والتيه=كلوا اللحم وحزوا عظام الضحيه
ناس(ن)لك الله حكيها القلب يكويه=وياليتها من الروس ناس(ن)رديه
ابي النصيحه لاكن الهجر مابيه=ذبحي ولا تركة هوا الغشمريه
حيثك مجرب يالخريصي مماشيه=ومرت عليك ايام يذبح دويه
واقبل سلامي واحترامي بتاليه=اعداد تكبير(ن)بيوم الضحيه
[
size="5"]ردي على الشاعر/عبدالعزيز عثمان ابو زويد الرخيص الشمري.[/size]
سميت باسم اللي جزال حسانيه = بامره غرق فرعون وانقذ نبيه
منان معطي سامك الكون بانيه = واحد أحد ماله شريك(ن) لديه
علام سراً داخل الصدر نخفيه = لعبادته فينا الجوارح رضيه
ومن بعد ذكره قلت والقول مبديه = رداً على راع البيوت النقيه
الشاعر اللي كل جزل متبنيه = حفيد شاعر عزوةٍ شمريه
ابو زويد شامخاتٍ معانيه = بيوته حكم عن كل نقص محميه
وايضاً اليا وصف بنات اقمر التيه = كنك تناظر صورة مفصليه
بذأت لامن صار للحمر تنويه = صب الذهب لصناعة(ن) عالميه
تصوير كامل منفرد من يساويه = قاله قبل حماي تال الونيه
صاحب فكر ربك من العرف معطيه = مشهور في بعد النظر له مزيه
هذا وريثه بالوصايف يشاديه = نفس السلوب وصيغة المنهجيه
طاروق شعره للمعالي يقديه = أبيات تاتي للمسامع صخيه
عذب الكلام اللي وساعٍ موانيه = يفيد دوار العلوم النديه
من منهل الخبره فرايد مرويه = كنّه وسم بالحايل الصيعريه
دليل واضح من رصانه مغذيه = تسعين ياهداج فوق الركيه
من غير زرعٍ صاحب الدار يسقيه = مع طلعة النجمين تكثر دليه
وقت يحن الهرش من قيض شاويه = كن الحصاء جمراً تلاهب لظيه
حتى العقيد اللي بعادن مغازيه = يربط ثلاث شهور بنت العبيه
ويابو زويد صوبك الشور نوفيه = اشطر من اللي سلت العرفجيه
عبر القوافي بالدلايل مزكيه = لبن رخيص يساق سوق الهديه
ربعٍ زبنهم شيخ والظيم حاديه = بيتٍ به الاجراد يشهد عليه
فعله شموخ و قل رجل يوازيه = مؤسس أمارة لابتٍ ضيغميه
ونرجع على الموضوع والنضو نثنيه = مقدار صبّه دلّة(ن) حاتميه
عزي لقلبٍ هاجس الغير زاويه = زوي المحص على سياج الحنيه
محيسن شكا بلواه وأحرج بنيخيه = وزبن خلف باسباب حب البنيه
قال استلم بيتي وذودي وراعيه = وخذ هاك معهن زايد البندقيه
رفض ولا ينلام من حب غاليه = وفزع خلف لكن أسبقته المنيه
ونصيحتي عنوان والكل قاريه = خذها على ماقيل كاش القضيه
لا تتركه مهما زمانك تقاسيه = وابشر اليا عدو مجال الحميه
وراع النميمه كل مخلوق شانيه = تقصر عن البريت حزمة رشيه
الشرس اخو مره بدنياه معميه = اترك حسابه علته داخليه
وحافظ على وصل رفيقٍ مصافيه=لآبد ما يخضر مسيل الشغيّه
هذا جوابي وابو ضاري يراجيه=رجلٍ عزيزً وله سلام وتحيه
___أشطــر مــن اللـــــي سلّــــة العــــرفــــجيـــــة____
العرض العادي
