هلا بمن جانا سلامه معنّا
وبالطّارش اللي جاب خط ٍ نصابه
عليك ياناب الردايف مثنّا
ترحيب مشتاق ٍ بطبه غيابه
لو الطيور الطايره يرسلنّا
أرسلت لك مع كل طير ٍ كتابه
وقلنا لهن من روسكن سلمنّا
وقولن يقول أفلان ألف ٍ هلا به
ياهافي السرجوف لولاك حِنّا
عرساتنا صارت مصاطي كلابّه
قبلك تراني زاهدٍ في وطنّا
لولا علومٍ تلزمنا وش لنا به
واليوم صرنا مثل حربة مهنّا
أرباحنا ماتنتعدد حسابه
يابو قرون ٍ بالحجب شرعنّا
ووصايف ٍ ماتنتوصف جذابه
وأشافي عن لولو يقلصنّا
فاليا مزح قامت تلاعج عذابه
كن الشنوف ومقلده علقنّا
بريميةٍ لولاه جمر ٍ ثيابه
الشاعر الأمير الفارس عبيد الرشيد ((رحمه الله))