قصيده للشاعر// مقبل عيد الشمري //
حلو التمشي بالصحاري والقفـار=قاعن بها يدعيك زاهي خضـاره
ارظن سقاه الله من غيثه امطـار=والسيل بعيونك تناظـر مسـاره
شمة هوى جوه ولا طيب عطـار=يفوح من كـل النبـات انتشـاره
من كل شكل ولون طلعه والازهار=ويش اصفره مع ازرقه مع حماره
متخالطن نبتـه بختـري ونـوار=تلقا الخزامى والنفل فـي مـداره
وتلقا الزبيدي له من النـاس دوار=ياحلونبتـه بيـن قـاره وقـاره
ومشاهدك لزوال حثات الاوبـار=اللي سنامه يرتكـي لـه فقـاره
يازين صوته يوم حنة على حوار=ومن الوله صوب الحنين استداره
جاه يتخبط كن به قيـد وهجـار=يعني صغيرن يوم انا اذكرهجاره
ويازين والله بصفهن شبـة النـار=مانت بخلاوي مع رجال النمـاره
الكل منهم كاسبن طيب الاخيـار=عذبن نباه ولاطفـا ضـو نـاره
والي معه شاصي ورنجن وفكسار=كلن يحول عزبته مـن الغمـاره
وصفة دلالن عندهن بـن وبهـار=من غيرعـده نكتفـي بختصـاره
يقلط عليهن راعي الكيف والكـار=وفنجالهن يجلا العمـاس وكـداره
ياحلو صفة جلسة الربع حضـار=وتعللتـن ماقيـل فيهـا قـمـاره
زان الحديث وبينهم صارة اشعار=وكلن حسب عرفه يجيب اختياره
هاذى هوى قلبي وشفي وماختـار=ولا لقيـت بغيرهـاذى تـجـاره
والرزق عندالله وتصريف الاقدار=وطرق النظربالبريسوى عمـاره
من كل شل ولون طلعه والاازهار
العرض العادي
