بداية استئذن الإدارة و المشرفين وفي مقدمتهم اخوي الكبير السكبه ابو فيصل في وضع هذه الابيات
في قسم الصناديد الذي يهتم في تاريخ و امجاد شمر , و لآن هذه القصيدة محفزة و محرضه لكل
شمري فيه حميه ومثل هذه القصائد تعد سبباً كبيراً في عز كل شمري و انجازات شمر التاريخيه
لذا اضعها ها هناء , و هي تعبر عن مشاعر شاعرها و تمثلني .
يقول عبدالحكيم ابن شـابور التويمي الشمري :
كلنا سلمان يا السيف الشطير = لا يغركـ فيه شرع الله قصاص
ندري ان الموت اسبابه كثير = لا وربي مالنا عنه مناص
هي لنا ثوره تطالب بالكثير = والعمومه عمّت القاصي وخاص
كل ديره هي لنا فيها أمير = وجمعنا للطيب شيمه واختصاص
كيف ما دارت معاها نستدير = للعطايا عز لو فينا خصاص
يملكـ المعروف لو قالو فقير = شمري والشمري مابه انتقاص
وكل حرٍ هد بجناحه يطير = صيده الميمون ماهو بالرصاص
نصعد القمه واذا قدنا مسير = ذا اثر مطلاعنا كفو المحاص
كلنا سلمان واعطوه البشير = ما انخلق للشمري سيف القصاص