السلام عليكم ورحمه الله وبركاته.......
حبيت ان انقل لكم هذا الموضوع وفيه اضافات مني لم تكن مذكوره.
كان جناع القعيط نازل مكان يقال له مغيلث وكان اقرب شمر على العكيدات وفي عام 1947 م هجموا العقيدات
على البريك ربع جناع وكان عددهم يتجاوز الالفين خيال وكان هجومهم مع طلوع الشمس وكان اكثر الرجال مع البل
لانهم توقعوا الهجوم على البل واخذه فود وبداية الهجوم تنطحهم الشرابي ابن جناع ومعه دهام جنعان القعيط وقال دهام للشرابي ماتنطح قال ابي عليهم وين اودي وجهي من عزاره وهي امرأه بريكيه وشاعره وفعلاّ هجم عليهم وقتل
وصوب دهام في رجله واستطاع ان يعود به للبيوت ولكثرت الرمي اصبحت تتوارد فزوع شمر القريبين من جناع واتت
سربه من الهضبه بقيادة بردان ابن جليدان واتت سربه من العامود بقيادة هريسان ابن هذيل واتت سربه من الفداغه يقودها سليمان العبهول وحضرو ثلاث فرسان من عشيرة زوبع والي هم عايد السويحل
(ابوالشايب)وعويد (البرنامه )وخمّيس الشاهر والتحقوا الفرسان مع البريك اللي عند البل بقيادة مدلول محمد القعيط واشتدت المعركه وبان فعل عايدالسويحل قال له جناع بناخيي عندك الي بالوعره كانو عقيدات خاتلين بالبردي ويضربون كان معاهم (ابو علي )فارس لهم مشهور وعايد معروف انه مايخطي هدف قيل ان عايد ضربه وخطاه وضرب عايد واخطا عايد وضربه الثانيه واخطاه كان مستتر وضرب عايد وقطع حزامه ويبي يحط المشط الثاني ويمار عايد له وعلى مامد يده على احزامه وهو يضربه ويخيط يده مع قلبه وذبح معاه عشرة من العقيدات ومن بينهم ذباح الشرابي. وكل
شمر المتواجدين لايتجاوزون المائه والخمسين واستطاع قسم من شمر ان يأسر خمس واربعون من القوم . وحل بهم جناع باالسيف من زعله على الشرابي وكان فارس مشهود له عند شمر وحين ان هؤلاء الناس عرفو ان شمرلن ترحمهم توجهوا الى ديرتهم وكانوا شمر يطاردونهم حتى عبورهم الجسر وجاءت قوه من الحكومه واحصت عدد القتلى من الطرفين وكان عدد قتلى العقيدات مائتين وقتلى من شمر اثنى عشر رجل غير المصابين ومن الذين ضحوا عند المحارم0
1- شرابي جناع نصار القعيط
2-مذري العود
3-هلوش الوليغي
4- الحشاش
5-فاضل ابن ادهم الغشم رحمهم الله ورحم الله اموات المسلمين
ومن القصائد التي قيلت في هذا الكون
قال لطس السبيعي هذه الابيات
بادي بـاالله ولـي النـاس كلـه=من بدى بـاالله ماظنـي يخيبـي
السيافـا يومكـم هـذا محـلـه=هاوشوا قـدام زينـات الحليبـي
يوم جناع الكبش رد للسيف سلـه=ليما خلى لشاشهم مثل الهميـدي
الشرابـي شالـع الصابـور فلـه=يرحمه مـولاه بيـوم الوعيـدي
ولد الادهـم علـى الخيـل شلـه=خلفت الزحزيح تو صارت وكيدي
ونعم باالحشاش راع الطيب كلـه=يعتفر من فوق ظافيـت السبيبـي
الوليغي ماحكـى بيـدرب المذلـه=شوق من حطت على راسه خظيبي
ولحقت بمدلول قظ الـراس فلـه=ادى الواجب والفشك ناره حصيدي
جتـك بـردان مــع سربتـلـه=بيديهـم شلقـوا راس الحريبـي
والكلوزي شهاب روحـه مايكنـه=يوم عفن الخال كاظب له شعيبـي
سربة العامـود مزنـه مستهلـه=حلو العصـلان بيخيـل العكيـدي
من صلاة الصبح يما الشمس زله=والفشك مابينهم مثـل الرعيـدي
اتمنى شيوخنـا باالحـرب كلـه=وراهم سودان وسلاحـه صليبـي
وهذي ايضاً قصيدة الدحيل من الهضبه
اخو نبهه شد اللـي مهـي ونيـه=ماداني الهوز تمشـي باللهبايـب
غوش ربعي كما سبـاعً بالزويـه=كاسرين القوم جابوهـا حطايـب
أنتخـى مدلـول وبيـده بيشليـه=ايتم الرضعان وارملـك يالشايـب
ياأبن هفل غزوتـك مهـي هنيـه=ترجف الحويان من رجد المصايب
قصيدة الصليتي من الاسلم
راكـب حمـرى زهـى كـوره=حمـرا ومـن الجيـش منقـيـه
ادرع المحـجـان مـــع زوره=وانحـر شمـر وش طـواريـه
أبـن هفـل جــاك مشـهـوره=طايـفـن يـبـي الحـرابـيـه
مـجـرده الفـيـن مــن زوره=الضـحـى جـاهـم جهـاريـه
جموعـه رخـم تنطـح الدولـه=امتـلـى العـالـي وواطـيــه
وأقفـت القطـعـان مـذعـوره=عنـدهـا الـعـيـان قطـعـيـه
يـوم العوجـا حـن مقـهـوره=حاظريـنـه كـــل اهـالـيـه
أخـو مـره صـاح لصـقـوره=شانـهـم للـطـيـب جـديــه
كـم عديـم يـجـدع الـشـاره=لـيـا تنـاخـوا بالخميـسـيـه
مبطـي غـوش البـدو صبـاره=مـن دور ابـو فرحـان وبنيـه
السيـافـا مــن عـيـامـوره=صـاطـوا القبـلـه لغـربـيـه
فـوق مهـارن مالهـن جــوره=طبـوا سـوق المـوت بعطـيـه
شايـب ليـا ضاعـت ابصـاره=جعلـهـا بـجـنـاع مـاقـيـه
فزعـت العصـلان مـاصـاره=فـرحـت المضـيـوم بالهـيـه
اودعـوهـم لابـتـي بـــوره=يـجـدع الـبـارود راعـيــه
لوزهـى الكرخـان بـصـدوره=فـزعـت الشـويـان ملـويـه
هذي لااعرف صاحبها
راكب اللي روحـت لهـا رزيـم=والشـديـد زاهـيـاً ركـابـهـا
انص أبـو عبـود دونـه لاتقيـم=وين ربعـه ويـن كثـر حسابهـا
قال أبن حنان حيـث انـه فهيـم=استـخـر ولاتـقـد أسبـابـهـا
جناع لياسمع النذر مبطـي يقيـم=وابـو طفلـه حلـتـه عيابـهـا
من طلوع الشمس للعصر الصغير=والسيـوف مسللـيـن حرابـهـا
كم غلامً من السيافـا لـه زحيـ=ريـدوي بالسربـه وثـم ادوابهـا
من نهج من لابتـي بجنـة نعيـم=خذوا ثار صفـوق وسـد غيابهـا
وأنشد عن مدلـول يعلـه سليـم=يارخيـص الـروح مـا نمابهـا
عنده العوجا ينطح كـل عديـم=ويزهـم الفـريـس لياأنتخابـهـا
وأخو جحله والنشاما حاضريـن=لابتـي بالكـون تهـدي ارقابهـا
هذي القصيده شاعرها حاضر الكون وبدايت الامر ماعنده سلاح ماكان محسب حساب الي صار مما ذكره في قصيدته وهو الشاعر(عويد البرنامه الرمالي الزوبعي)
راكب اللي مالـــــــــــــهجهن الحوار
منوة الركاب حـــــــــــــيل مضمرات
ان سرت بالليل مع تالي النهـــــــار
الاشده والمزاهب خاليــــــــــــــــات
لالفيت ادهام سولف بالي صــــــار
ياعقيد الغوش ياعطب الــــــهوات
قله بمغيلث سوينا دمــــــــــــــــار
الجنايز بالرجوم العاليـــــــــــــــات
ابو الشايب انتخى هاك النـــــــهار
نفج البرزان من العوســــــــــجات
عزتي للي غدا دمــــــــــــعه بذار
مامعه بارود يومي بالعبــــــــات
الزوبعيــــــــه مسمعه والعج ثار
لابتـــــــــــي غياب يوم الكاينات
وابن سويحل انتخى والشيخ نار
حضرت الغياب ذل من الشمــات
ولا خمّيس شوق من لبسن حمار
ينتخي لعيون عسلوج البنـــــــات
وابن هفل شارد خلا الحـــــــوار
خبط بالزربول ومخلي العبـــات
رد عليه شاعر مايحضرني الا بيت واحد يقول
حضرت الغياب عايد سد عنه
ذابحٍ عشرة وذباح الشرابي
كما قال الشاعر بطيحان ابن حنيان
ابو الشايب شوق رعبوب البنات
هذا لامنه قضب عقب الصلــــيب
كل مامده طرقها قيل مــــــــــات
لونتل سرقيــــــها ضربه عجيب
بالصريم القـــــرم سواله سوات
مثل الارمن يوم حجلو بالشعيب
صار هاك اليوم قصاب القضات
تقل خرفانٍ وعايد صـــــار ذيب
وقال الشاعر مطر ابن عاشق من الصبحي
باديٍ بالــــــــــي خلق فرضٍ وسنه
ربي الي فارضٍ صوم وصلاتـــــي
الشرابي راح جعله بالــــــف جنه
كل عديمٍ باللقا ينهج فواتــــــــــي
يوم ثار الهيج وزال الجمع عنـــه
انتخى مدلول لعيون البنـــــــــاتي
قال جنــــــــاع العود بيتي شيدنه
عندكن يالبيض نرخص بالحياتي
السيافا ملحقين العدو علـــــــــه
والسيافا كاسبين الطايلاتــــــــي
وابن سويحل زالت الفرسان عنه
بالصـــــليب مبينه عطب الهواتي
-------------------------------------------------------------------------
وايضا قصيدة ابن شريعيب كان عبيد الشريعيب الشاعر المعروف نازل عند عبده محبتن للفارس المعروف عقاب
ابن عجل وتخطى من بيته متوجهاً لمجلس عقاب رأى خيال قادم من الغرب فانتظر وصوله
ثم سأله عبيد =منين انت حياك الله
الخيال= من شمر الغربيه
عبيد = وش علومهم
الخيال=غزوهم العقيدات بالفين خيال وذبح الشرابي بن جناع القعيط وانتصروا
واللي ذبحهم جناع القعيط خمس واربعين عدى الخساير الباقيه وانتصروا عليهم
عبيد =الله يبشرك بالخير
وأكمل عبيد مسيره بعد أن أخذ أدق التفاصيل الى مجلس عقاب وبعد ان جلس رأى
السناعيس مجتمعين عند عقاب ابن عجل اراد ان يخبرهم بقصيده
الفهم عند عبيـد وعبيـد ملفـاه=الفهـم عنـد عبيـد يامدورينـه
شوفه عـن المنقـود عينـه بعلـبـاه=وابـو محمـد كلكـم خابريـنـه
عبيد ليابنى البيت وزيـن مبنـاه=والسبع والسبعين مـن مكذبينـه
كـون مغـرب فاتنـا ماحظرنـاه=بقولت اللـي بعينهـم شايفينــــــه
كون كبير يفظـخ القلـب طريـاه=سدوا به اللـي عقبنـا حاظرينـه
ظنى خميـس والسيافـا حظايـاه=ليـا كـووا دوم كيهـم منجظينـه
لولا الشرابـي كونهـم ماكرهنـاه=عـز الله ان حجاجنـا مقعديـنـه
يعيش من فرش جنينـه وغطـاه=اللي خذى ثار الولـد قبـل حينـه
لطيف وطاه الحلس والحلس ياطاه=نهـج عليهم كاسبـن صــم عيـنـه
وابن سويحل يالبيض خضبن يمناه=اللي نهار الكـون كثـر عثيـره
__________________________________________________ __________________
وبعد ان سمع عقاب القصيده قرر ان يغزي العقيدات في ديارهم وتو جه الى ديار الخرصه
واجتمع الجمعين متحدين على الزور وحلت المصائب باهله وقال احد السناعيس عندما وصلوا عند
جناع القعيط
يالخريصي يابن ياسي = رحبوا بعقاب وجنوده
والله لو تدري غر الأطعاسي =كان جتك النفذ وجروده
--------------------------------------- = نفسنا ماتقبل الزوده
هذا مما دار وقيل في هذي المعركه المشهوره عسى ان اكون وفقت
......تقبلوا تحياتي اخوكم ابو غلا الزوبعي......
كون العقيدات وتفاصيلها في قصه وقصيده لاتفوتكم معلومات جديده
العرض العادي
