آهين..مو معقول ياعالم الصمت=وأشلون مثلي عن هوى الخل لاهي
ماشفتني يمك بكيت وتندمت =وأعطيت خلي نظرتي وإنتباهي؟
طال إنتظاري وانبنى وانت هدمت=والبوح كنه يعشقك وانت ناهي
الجرح يطعن مهجتي ماتلعثمت=قلت انتظر جرح كبير وراهي
ياشين صدك يازمن يوم عزمت=تقفي عبوس.. وجيت بالهم زاهي
تكفى طلبتك يازمن لوتكرمت=لاتعتبرني بالجروح متباهي
تراي لامن شفت دمعي تألمت=كيف أنحني لك يازمن وانت واهي
دامك ردي وش حاجتي فيك مادمت=خل الهموم جبال والقلب ساهي
حرمت أحب وجيت أحبه وحرمت=لقيت زيف الحب عكس إتجاهي
خلاص انا ياوقت منك تعلمت=إن السماء ماهي من الارض..ماهي!
ابسألك بالله ياعالم الصمت=منهو يشيل من الالم مثل آهي؟
تحياتي للجميع