يالله يا عالم خفيات الاسرار=حليم ما تغبى عليك الجحاده
تفرج لقلب دب الايام محتار=الى فلت هوداجاه يوم وزاده
قلب غدا لمذلق الشوك محضار=سدر بساتينه وطلح بلاده
من عقب ذا ياراكب فوق مزعار=مافوقه الا مزهبه مع شداده
حمرا سنا عينه تشادي سنا نار=تلقب كما المشهاب عقب السواده
عين العديم الى سمع صيحة الجار=وعى وله عند الملازيم عاده
تلقى فهد وتبلغه كل الاخبار=العلم كله داخل في فواده
ان ساعفت دنياك فالحبل جرار=النفس ما تنسا طواري مراده
ما من قلوب حيل كله بها اعشار=غيب والادرى ويش حزة ولاده
تلقح رجال من رجال بالاشوار=وكل بحد السيف ياخذ سداده
سبب لقاحه من مدورة الاشرار=لقاح قبسون قمعها زناده
والصبر مابه للفتى كسرة اعبار=لين له الدنيا تبيّن مقاده
ان كان ضيف ومخطي له على جار=عز الله انك ناجي من سواده
رعى الزقيمات في ضلع سنجار=أخير عندي من قعاد الزهاده
خلف ابو زويد السنجاري من شعراء شمر
العرض العادي
