السلام عليكم
أحببت ان اقدم لكم هذه القصيده التي تتميز بأن ختامها كلمة حايل حايل وماشابهها .. ولكن كل كلمه تختلف بالمعنى عن البيت الآخر .. واتمنا ان تنال على اعجابكم :
قالوا حبيبك ماسمعناك تطريه ؟؟ =قلت انشدوا سلمى وسكان حايل
قالوا تشوفه ؟؟ قلت قلبي يناجيه = قد حال بيني واريش العين حايل
قالوا وصوفه ؟؟ قلت فضه مزكيه = مثل الذهب بالغ نصابه وحايل
صابر لبعده ..قالوا احرص تلاقيه = وان صارلك حيله على الشوف حايل
من لابتن سبقه على الطيب تشريه= كم قدموا مابين كبش(ن) وحايل
عسى المزون الغر تسقي اراضيه = وتصير يباس الترايب وحايل
سلك الهوا يمرض فؤادي ويبريه= واهل الهوا صارت جسمومه نحايل
واليوم طابت نفسنا عن تصابيه= دنو ركابي والرسن والرحايل
نرحل عن اللي باعنا وكنت شاريه= ولا ينفع الضميان جذب المحايل
عقب الموده لايبيني ولا ابيه= عفت الهوا يأم العيون الكحايل
تقبلوا تحياتي