دارن بها وبـدان يامـر وينهـى = والله مايصبربها كـود مصخور >>>>>>>>بيت منحول مظاف
لقصيدة ساجر الرفدي التالية
الله مـن عيـن تزايـد حزنـهـا = والقلب من ضكات الأيام مسمـور
من شوفتـي دار تغيـر وطنهـا = من عقب ماني داله القلب مسرور
دنـوا الحمـراء ومـدوا رسنهـا = وهاتوا ذلولي وانسفوا فوقها الكور
ياماحلى المسلاف بـأول ظعنهـا = مستجنبين الخيل يبرالهـن خـور
يوم إنها نجد وأنـا مـن سكنهـا = واليوم مايسكن بها كـل ممـرور
شامت لعبدالله وأنا شمـت عنهـا = اللي يصبح به على شقت النـور
وأنا أحمد الله سالم مـن شطنهـا = ومكيف مابيـن عرعـر وبالقـور
ساجر وبرجس بالمراجل خدينه = بمصافق الغارات للضد صطار >>>>>>>> بيت منحول مظاف لقصيدة سليمان اليمني التالية
حر شلع من مرقب مربينه = طلعه بعيد وصيدته حص الاوبار
غنام صياد الشواة السمينه = بمصافق الغارات للضد دمار
صك بن مشهور وفرق ضعينه = وخلى حريمه قاعدات على الدار
ردد ردوده ثم صدر يمينه =وأدلى على بن زويملٍ بالاصخار
ساجر ضربهم ضربة في يمينه=وحلنا على ذروات بالموقف الحار
كون الضياغم من بخت حاضرينه=طرش كثير وباغي الهجن يختار
ذروات جن ابهن من الوضح عينة=وضح تخافق وسطهن تقل نوار
راع البويضا خابروا جاهلينه=كم حلة خلا عمدها على الدار
ساجر حلف حلف وتمم لدينه=واخوات بتلا للعدو كسر تعبار
طلال قل لعبيـد بينـك وبينـه=وش لون يامن والعمارات عمار
وش لون تقبل لذة النـوم عينـه=ووراه ربعٍ ما يهابون الاخطار
من باب بغـدادٍ لبـاب المدينـه=يلقى بني وايل على الكود صبار
من فوق الانضا مابغوا واصلينه=مستجنبين قرح الخيل ومهار
كم خفرة تنعى وتبكي جنينه=خلي لسحمان الضواري بالاقفار
وكم خايع وقت الخطر نازلبينه=عاداتهم نزل الخطر سر وجهار
وكم حلة فوق الرمك ساهجينه=باقفار نجد وكل دار لهم دار
وكم عايل برماحهم جاد عينه=من ضيمهم يشرب قراطيع لامرار
أمل الانتباه لذلك
وتقبلوا تحياتي