السلام عليكم ورحمة الله وبركاته
اليكم ابياتي في اعز الديار الى قلبي
من نجد سقت الشوق لعيون سنجار = دار الكرم يامطلقين القوايل
ياعمق شمر ياوطن كل الاحرار = غلاك يشبه بالغلا حب حايل
جيتك وانا كلي وفا بعد الاسفار = من دار ابو متعب وجبت المثايل
أبيك تكفى ياجبل تاخذ الثار = من وقتي اللي للأسف صار مايل
أبي أشوفك.. ياترى ويش بك صار؟ = هل ياترى ؟ لليوم صايل وجايل
أثريك واقف ياجبل وقفة كبار = كما عهدتك بالعصور ألاوايل
تعطي ولاتاخذ ولايلحقك عار = منبع كرم ..منبع وفاء.. بالدلايل
ياما زبن في شامخك كل محتار = حيثك شموخ وللبعيدين طايل
يادار شمر.. دار الاجواد يادار = دار الطنايا والكرم والحمايل
يهتف لك التاريخ وأكبار واصغار = انا اشهد ان عقال الاجواد مايل
دار الشجاعه والطنا منبع الكار = يسيل دم و يلحقه دم سايل
سنجار لك حايل..وحايل لسنجار = يالابتي ما بالمزايين حايل
قلته ولي وسط الشرف مد وابحار = من روس قوم ٍ يتعبون الاصايل
تحياتي لكم جميعا ً